Qaqortumi inuk tuniluuttumit ilisimaneqanngitsumit Covid-19-imik tunillatsissimasoq nutaaq

Kingullermik nutarterneqarpoq Wednesday 11. august

Qaqortumi inuk Covid-19-imut misissortinnermini tuniluuttumit ilisimaneqanngitsumit tunillatsissimasoq paasineqarpoq. Tuniluunneq illoqarfimmi juulip aallartinneranili paasineqarmat tuniluuttoqarsimassasoq pasitsaanneqarpoq. Taamaattumik innuttaasut ersiutillit tamarmik misissortittariaqarput.

9. aggustimi Qaqortumi tuniluuttumit ilisimaneqanngitsumit Covid-19-imik tunillatsittoqaqqippoq. Taamaattumik tuniluunnerup juulip aallartinneranili illoqarfimmi ingerlaarsimanissaa ilimanarpoq.
Inuk Covid-19-imik tunillatsissimasutut paasineqaqqammersoq 9. aggustimi kaffillernermut annertunerusumut qaasimavoq, taamaattumillu tunillatsissimasut amerlanerusinnaapput. Tamanna pissutigalugu kaffisoriarsimasut pilertornerpaamik misissortittariaqarput.
Tamatuma saniatigut illoqarfimmi innuttaasut tamarmik mianersorluarnissamut, aammalu sukkulluunniit ersiuteqalernermi angerlarsimaannarnissamut misissortinnissamullu kajumissaarneqarput.