Kikkut Kalaallit Nunaannut tikissinnaappat?
Kingullermik nutarterneqarpoqKalaallit Nunaannut tikissaguit tamakkiisumik kapitissimasariaqarputit imaluunniit Kalaallit Nunaanni najugaqavissuusariaqarputit, Kalaallilluunniit Nunaannut nuuttussanngorsimasariaqarlutit.
Timmisartumut ilaassaguit pingasuusut taakku arlaat uppernarsartussaavat:
- Kalaallit Nunaanni najugaqavissuuguit najugaqarnermut uppernarsaat atorlugu uppernarsaassaatit. Najugaqarnermut uppernarsaat sullissivik.gl aqqutigalugu aasinnaavat
- Tamakkiisumik kapitissimaguit vaccinepas-it atorlugu uppernarsaasinnaavutit.
- Kalaallit Nunaannut nuuttussanngorsimaguit Kalaallit Nunaanni suliffeqarnerit inissaqarnerilluunniit uppernarsarsinnaavat. Tassani assersuutigalugu attartornermut isumaqatigiissut, atorfininnermut isumaqatigiissut imaluunniit sulisitsisoriligassavit allagaa atorsinnaavat.
Nunatsinnut angalasut siusinnerusukkut Covid-19-imik tunillatsinnikuusimasut tikinnerminnilu PCR atorlugu misissortereernermikkut Covid-19-imik tunillatsissimanerminnillu minnerpaamik ulluni 14-ini annerpaamik sapaatit akunnerini 12-inik pisoqaassusilinnik uppernarsaasinnaasut, inatsisitigut naammassillutik akiuussuserneqareersimasutut isigineqassapput.
Inunnut siusinnerusukkut Covid-19-imik tunillatsinnikuusimasunut tikinnerminnilu PCR atorlugu misissortereernermikkut Covid-19-imik tunillatsissimanerminnillu
minnerpaamik ulluni 14-ini annerpaamik sapaatit akunnerini 12-inik pisoqaassusilinnik uppernarsaasinnaasunut, Covid-19-imik nappaateqannginnermut uppernarsaanermik
piumasaqaat atuutinngilaq.
Uppernarsaat suna uppernarsaatitut akuerisatut atorneqassanersoq Nunatta
Nakorsaaneqarfiata aalajangersinnaavaa.