Covid-19-imut akiuussutissamik kapitinnissamut neqeroorutit immikkut ittut 2023-mi januaarip ingerlanerani atorunnaarsikkiartuaarneqassapput
Kingullermik nutarterneqarpoqAkiuussutissamik kapuuinissamut annertuumik suliniutaasoq maanna atorunnaarsikkiartorneqarpoq ilaatigut immikkut ittumik iliuuseqarfigineqartariaarummat. Peqqinnissaqarfimmi 2023-mi januaarip qaammataata aallartinneraniit qaammatip affaani nualluummut, Covid-19-imut aamma kighoste-mut pisariaqartitsisunut akiuussutissamik neqerooruteqassapput.
2020-mi maajip qaammataani “akiuussutissamik kapuuinissamut annertuumik suliniut” aallartinneqarpoq. Matumani 65-ileereersimasunut tamanut kiisalu navianartorsioratarsinnaasunut pneumokokke-mut akiuussutissamik neqerooruteqarfigineqartut pineqarlutik.
Akiuussutissamik kapuuinissamittaaq naartusunut kighoste-mut akiuussusersuinissaq pineqarpoq aamma 2020-mi ukiaaneraniit 65-ileereersimasunut aamma utoqqarnut kiisalu meeqqanut nualluummut akiuussusersuinissaq pineqarluni. Taamatut iliornermi coronavirusimik tunillatsittut amerleratarnissai eqqarsaatigalugit peqqinnissaqarfimmut artukkiinnginnissaq siunertarineqarpoq. 2021-p aallartinnerani Covid-19-imut akiuussusersuinissamut pilersaarut aallartisarneqarpoq. 2022-mi ukiaanerani akiuussusersuinissaq booster virusip allanngorneranut tulluarsarlugu neqeroorutitut ingerlanneqalerpoq.
Akiuussutissamik kapuuinissamut annertuumik suliniutaasoq maanna atorunnaarsikkiartorneqarpoq ilaatigut immikkut ittumik iliuuseqarfigineqartariaarummat. Covid-19-ip inuiaqatigiinni suli atugaagallarnissaa naatsorsuutigisariaqarpoq, maannali allanngortut peqqinnissaqarfimmut taamarsuaq ilungersuatitsinissaat ilimanaateqaratik. Allanngortut atuutilissagaluarpata piffissap sivikitsup iluani killiffimmik allannguititsisinnaapput. Allanngoriartornera qanimut malinnaavigineqarpoq.
Peqqinnissaqarfimmi 2023-mi januaarip qaammataata aallartinneraniit qaammatip affaani nualluummut, Covid-19-imut aamma kighoste-mut pisariaqartitsisunut akiuussutissamik neqerooruteqassapput. Corona pillugu nittartakkami https://corona.nun.gl/ ammasarfiit pillugit paasissutissat suli takussaapput. Uani takuneqarsinnaapput Akiuussusersuineq. Covid-19-imut boosterimik akiuussusertinniartut nualluummullu akiuussusertinniartut arlallit suli kapoorneqanngillat. Akiuussusertittariaqartut neqeroorummik atuilluarnissaat kaammattuutigineqarpoq.
Inussiarnersumik inuulluaqqusillunga
Henrik L Hansen
Nunatsinni Nakorsaaneq/Landslæge
Nunatsinni Nakorsaaneqarfik/ Landslægeembedet