Tikinnermi PCR atorlugu tunillatsissimannginnermut uppernarsaateqarnissaq peerneqarpoq
Kingullermik nutarterneqarpoqKalaallit Nunaannut aamma Kalaallit Nunaanni angalanissamut piumasaqaatit pillugit Namminersorlutik Oqartussat nalunaarutaat 14. februaari 2022 ilanngullugu atuuttussanngorluni allanngortinneqarpoq.
Tikinnermi PCR atorlugu tunillatsissimannginnermut uppernarsaammik takutitsinissamut piumasaqaat peerneqarpoq. Tikinnermut atatillugu piumasaqaatit allat maannatut iluseqarlutik atuutiinnassapput. Soorunami napparsimagaanni angalanissap pinngitsoortinnissaa suli kaammattuutigineqarpoq.
Aamma nunatsinni akiuussusertissimanngitsut angalanerannut PCR atorlugu tunillatsissimannginnermut uppernarsaammik takutitsinissaannut piumasaqaat peerneqarpoq.
Kisiannili akiuussusertissimanngitsut Nunatsinni najugallit tikinnerminniit ulluni tallimani, covid-19-imik tunillatsissimannginnermut uppernarsaammik takutitsisinnaalernissap tungaanut angerlarsimaannarnissaannut piumasaqaat atuutsiinnarneqarpoq – PCR-imik misissuinermut taarsiullugu taamaallaat kviktest atorlugu misissuisoqarnissaa inassutigineqarpoq.