Kangia killilersuiffiujunnaassaaq
Kingullermik nutarterneqarpoqSapaatit akunneranni kingullermi nuna tamakkerluni killilersuinernik, siornatigut illoqarfinnut tuniluuffiusunut atuutsinneqartunik atuutsitsiviulerpoq. Tamanna piffissaq sivikittoq ingerlanerini nuna tamakkerlugu tuniluuttoqalernissaanik naatsorsuuteqarnermik tunngaveqarpoq.
Maannarpiaq Ittoqqortoormiini Tasiilamilu akiuussutissamik kapitissimasut amerlapput, aammalu taakku nunaqarfiini Coronamik tuniluuttoqanngimmat, Kangiani killilersuinerit atorunnaarsinneqarnissaannik maanna Naalakkersuisut aalajangerput.
Tassalu aqagumiit killilersuinerit uku Tunumut atuukkunnaassapput.
- Qanermik assiaquteqarnissamik piumasaqaateqarneq
- Ininut tamanit iserfigineqarsinnaasunut inuit isersinnaasut amerlassusiliinermut killiliineq
- Coronapas-eqarnissamut piumasaqaateqarneq (Nuna tamakkerlugu atorunnaassaaq)
Imigassamik tuniniaanissamut inerteqquteqarneq, Kommune Kujallermut, Kommune Qeqertalimmut aamma Kommuneqarfik Sermersuumut atuutsinneqartoq suli atuutiinnarallassaaq februar 9-ani ilanngullugu tungaannut.