airplanebooksbriefcase business cogs cross election entertainment fish house law lockmedicalpeopleselfservices socialtax

Oqartussaniit nutaarsiassat

Oqartussaniit taamaallaat COVID-19 pillugu nutaarsiassat uani atuarsinnaavatit.
Ulloq 15. juni 2021

Coronartoqarneranik pasitsaassaqarneq: Meeraaqqerivik Ungaavaraq matuvoq

Nuummi meeraaqqerivik Ungaavaraq matugallarpoq.

Nutaarsiassaq takujuk
Ulloq 11. juni 2021

Akiuussutissamik kapitissimanermut uppernarsaat noqqaassutigineqaqqissinnaanngorpoq

Akiuussutissamik kapitissimanermut uppernarsaammik noqqaanissaq maanna periarfissanngoqqippoq.

Nutaarsiassaq takujuk
Ulloq 4. juni 2021

Vaccinationsattest@nanoq.gl uninngavoq

Akiuussutissamik uppernarsaatinik tunineqarnissamik noqqaassuteqarnerit pillugit ajornartorsiuteqarpoq. Taamaattumik Vaccinationsattest@nanoq.gl atorneqarsinnaanngilaq.

Nutaarsiassaq takujuk
Ulloq 2. juni 2021

Akiuussutissamik kapitikkusuttut amerlavugut, maannakkorpiarli utoqqaanerusut akiuussutissamik kapineqarnissaat qitiutinneqarpoq

Kapiniakkat akornanni ukioqatigiiaat 50+ -it ataallugit ukiullit orniguttorpassuusut kapuisarfinnit nalunaarutigineqarpoq. Paasinartumik akiuussutissamik kapineqarnissaminnut neqeroorfigineqarnissartik akiuussutisserneqarnermilu pitsaaqutit tamaasa pissallugit soqutigivaat. Taamaattorli innuttaasut ukioqatigiiaanut ornigoqquneqartunut ilanngunneqarnikuunngitsut ornigutinnginnissaat oqartussaasut qinnuiviginnipput. Maannakkoqqissaaq 50-inik sinnerlugillu ukiullit qitiutinneqarput.

Nutaarsiassaq takujuk
Ulloq 1. juni 2021

Pissutsit nalinginnaaleriartorput

Ippassaq Naalakkersuisut tusagassiortunik katersortitsineranni oqaatigineqareersutut sillimaffissat, tallimanngornermiit ataasinngornermut atuutsinneqartut unnuap qeqqanut atorunnaartut. Tamanna nalunaarutit nutaat, ullumikkut Kalaallit Nunaat tamakkerlugu atuuttussat atuutsinneqalernerinut peqatigitillugu pivoq.

Nutaarsiassaq takujuk
Ulloq 31. maj 2021

Nuummi kiisalu Ilulissani nunaqarfiinilu akiuussutissanik kapuuinissat

1. – 8. juunimi Nuummi Ilulissanilu Nuummi Ilulissanilu innuttaasunut 50-ilereersimasunut, aammalu Ilulissat nunaqarfiini innuttaasunut 18-ileereersimasunut akiuussutissaq Modernameersumit kapuuinernit kapuuinissat annersaat ingerlanneqassaaq.

Nutaarsiassaq takujuk
Ulloq 29. maj 2021

Nuummi COVID-19-ip tuniluunnera pillugu nutaarsiassaq

Munck-ip sulisunut inissiisarfiani covid-19-imik tunillatsissimasut katillugit pingasut nassaarineqarput. Inissiisarfiup avataani, aammalu inissiisarfimmeersut neriniartarfinnut, imerniartarfinnut il.il. isernerminni qanillisaasa misissortittut akornanni tunillatsissimasunik allanik nassaartoqanngilaq.

Nutaarsiassaq takujuk
Ulloq 29. maj 2021

Nuummi akiuussutissanik kapuinerit marlunngornermi 1. juunimi aallartissapput

Nuummi Covid-19-imik tunillatsissimasunik nutaanik nassaartoqarmat, Nuummi innuttaasut 50-inik ukiullit utoqqaanerusullu (1971-imi inunngorsimasut utoqqaanerusullu) tamarmik akiuussutissamik kapitinnissaannut pilersaarut siuartinneqassasoq aalajangerneqarpoq Akiuussutissanik kapuinerit marlunngornermi 1. juni 2021 aallartissapput.

Nutaarsiassaq takujuk
Ulloq 28. maj 2021

Tuniluuttoqannginnissaanut iliuusissanik aallartitsisoqarpoq

Nuummi tunillatsittumik, aammalu tunillatsiffianik ilisimaneqanngitsumik nassaartoqareersoq, Nuummi tuniluuttoqannginnissaanut iliuusissanik aallartitsisoqarpoq. Nunarsuaq tamakkerlugu tuniluunnermi misilittakkagut malillugit eqqissilluta isumatusaarlutalu sulivugut.

Nutaarsiassaq takujuk
Ulloq 28. maj 2021

Nuummi Covid-19-imik tunillatsissimasoq nutaaq

Marlunngorneq ulloq 25. maaj 2021 inuit marluk imminnut attavigisimanngitsut tikereernermi ullut tallimassaani misissorteqqinnermi tunillatsissimasut paasineqarput – sisamanngornermilu 27. maaji inuk alla sulinikkut attuumassuteqartoq covid-19-imik tunillatsissimasoq paasineqarpoq. Tuniluunnerup paasiniarneqarnissaanut suliniutit pisariallit aallartinneqareerput. Tamanna pillugu ataavaartumik ilisimatitsissutigineqartarumaarpoq.

Nutaarsiassaq takujuk
Ulloq 26. maj 2021

Tunillatsissimasut marluk Nuummi siumorneqartut

Angalasut marluk ippassaq kingusissukkut Nuummi tikereernerup kingorna ullut tallimassaanni misissortinnermi COVID-19-imik tunillatsissimasutut paasineqarput. Tunillatsissimasut imminnut attaveqarsimanngillat.

Pineqartut tikereernerminniit angerlarsimaannarsimapput massakkullu angerlarsimaffimminni mattusimallutik. Nuummi tunillaassuuttoqarnissaanut aarlerinartoqanngilaq, taammaammallu killilersuisoqalissanani.

Nutaarsiassaq takujuk
Ulloq 20. maj 2021

Akiuussutissamik tamakkiisumik kapitinnikunut killilersuinernik nutaamik qasukkaanerit 1. juuni 2021-mi atuutilissapput

Naalakkersuisut ullumikkut avataaniit angalasarnermut katersuuttarnermullu nalunaarutini nutaamik qasukkaanissat akuersissutigaat. Qasukkaanerit taakku pingaarnertut tamakkiisumik akiuussutissamik kapitinnikunut tunngapput aammalu ulloq 1. juuni 2021-miit atuutilissallutik.

Nutaarsiassaq takujuk
Ulloq 10. maj 2021

Kujataani akiuussutissanik kapiteqqinnissaq neqeroorutigineqalerpoq

Innuttaasut covid-19-imut akiuussutissamik kapiteqqittussat neqeroorfigineqarput, aammalu apriilimi kapitittut ikinnerat peqqutigalugu innuttaasut siullermeerlutik kapitikkusuttut neqeroorfigineqarlutik.

Nutaarsiassaq takujuk
Ulloq 8. maj 2021

Ininut kikkunnilluunniit iserfigineqarsinnaasunut piumasaqaatinik nutaamik qasukkaanissat

Naalakkersuisut katersuunnermut nalunaarummi ininut kikkunnulluunniiit iserfigineqarsinnaasunut piumasaqaatinik qasukkaanissaq aalajangiuppaat, matumani nalunaarut 8. maaji 2021-mi atuutilissalluni.

Nutaarsiassaq takujuk
Ulloq 5. maj 2021

Tasiilami, Qaanaami nunaqarfiinilu akiuussutissamik kapitinnissamut neqeroortoqalerpoq

Sapaatit akunneri marluk ingerlanerini Tunumi kiisalu Qaanaami, taakkulu nunaqarfiini innuttaasut inersimasut covid-19-imut siullermeerlutik akiuussutissamik kapitinnissamut neqeroorfigineqassapput – tassani naartusut milutsitsisullu kisimik pinnatik. Akiuussutissaq inunnut ataasiakkaanut covid-19-imut annertuumik illersuutissaavoq. Aamma sumiiffinni taakkunani tuniluuttoqarnissaa pinngitsoortinneqassappat, sapinngisamik amerlanerpaat kapitinnissaat pingaaruteqarpoq. Tamanna siumut eqqortumik alloriarfiungaatsiassaaq, taamatullu nunatsinni killeqarfinnik annertunerusumik ammaaffiussalluni.

Nutaarsiassaq takujuk
Ulloq 4. maj 2021

Covid-19-imut akiuussutissaq, Johnson & Johnson-imeersoq atorneqassanngilaq

Akiuussutissaq, Johnson & Johnson-imeersoq qaqutigoortorujussuarnik annertuunilli kingunerluuteqartartoq paasineqarpoq. Taamaattumik Danmarkimi Peqqissutsimut Aqutsisoqarfik aalajangerpoq, akiuussutissaq Johnson & Johnson-imeersoq danskit akiuussutissamik kapuinerannut ilaatinneqassanngitsoq. Aamma Kalaallit Nunaanni atorneqassanngilaq.

Nutaarsiassaq takujuk
Ulloq 3. maj 2021

Maajip pingajuani malittarisassat nutaat atuutilissapput

Maajip pingajuani oqartussaasunut timmisartuussisarneq unitsinneqassaaq avataaniillu tikittussanut malittarisassat nutaat atuutilissapput.

Nutaarsiassaq takujuk
Ulloq 27. april 2021

Maniitsumi Kangerlussuarmilu akiuussutissanik kapiteqqinnissat

Maniitsumi Kangerlussuarmilu innuttaasut siullermeerlutik kapitissimasut amerlanersaat akiuussutissamik kapiteqqinnissamut aggersarneqareersimasussaapput. Akiuussutissamik kapiteqqinnissamut aggersarneqarsimanngitsut ukunani:

Nutaarsiassaq takujuk
Ulloq 13. april 2021

Kalaallit Nunaanni akiuussutissat Moderna-meersut aamma Pfizer-BioNTech-imeersut atorlugit kapuisoqarpoq

Piffissami kingullermi Danmarkimi sumiiffinnilu allani innuttaasut ikittut Covid-19-imut akiuussutissanik kapitereernerminni taqqamikkut milittuungaatsiartartut eqqartorneqarpoq. Tassanilu innuttaasut nakorsaasiorfimmit AstraZeneca-mit Covid-19-imut akiuussutissanik kapitissimasut pineqarput. Akiuussutissaq taanna Kalaallit Nunaanni atorneqarnikuunngilaq.

Nutaarsiassaq takujuk
Ulloq 9. april 2021

Kujataani akiuussutissanik kapuisussat

Akiuussutissanik kapuisussat sapaatit akunnerata tulliuttup aallartinnerani Kujataanut pissapput, tassanilu piffissamut pilersaarut sukannersuussaaq anguniagaqarfiussallunilu, ullut qulingiluat ingerlanerinnaanni akiuussutissat sumiiffinnut assigiinngitsunut 14-inut siaruarterneqartussaammata aqunneqartussaallutillu. Akiuussutissamik kapuuineq innuttaasunut 18-ileereernikunut neqeroorutigineqarpoq.

Nutaarsiassaq takujuk
Ulloq 6. april 2021

Nunatsinni isaarissami innuttaasut akiuussutissamik kapitinnissamut neqeroorfigineqarput

Aqagu pingasunngornermi 7. apriilimi Kangerlussuarmi innuttaasut 16-ileereersimasut tamarmik coronamut akiuussutissamik kapitinnissamut neqeroorfigineqarput. Aqaguinnarpat akiuussutissamik kapuisut Maniitsumut pissapput, tassanilu innuttaasut 50-inik sinnerlugillu ukiullit tamarmik akiuussutissamik kapitinnissamut neqeroorfigineqassapput.

Nutaarsiassaq takujuk
Ulloq 29. marts 2021

Apriilip maajillu qaammataani 2021-mi Covid-19-imut akiuussutissamik kapisinissamut pilersaarut

Akiuussutissanik Danmarkimut ikinnerusunik nassiussisalerneq aammalu AstraZenecap akiuussutissatut atorunnaarallarneqarnera pissutaallutik, siunissami aggersumi Kalaallit Nunaat akiuussutissanik naatsorsuutigisamiit ikinnerusunik tunineqassaaq. Taamaattorli aalaakkaasumik tunineqartarnissaq suli naatsorsuutigineqarpoq, taamaasilluni akiuussutissanik kapuuinissamut suliniut ingerlatiinnarneqarsinnaaniassammat, kisianni arriinnerusumik ingerlanneqassalluni.

Nutaarsiassaq takujuk
Ulloq 12. marts 2021

Qeqertarsuatsiaani, Paamiuni Qaqortumilu kapitereersimasunik kapueqqinnissaq

Qeqertarsuatsiaani, Paamiuni Qaqortumilu innuttaasut, Coronamut akiuussutissamik siullermeerlutik kapitereersimasut sapaatit akunnerata tulliani kapiteqqinnissamut neqeroorfigineqassapput.

Nutaarsiassaq takujuk
Ulloq 3. marts 2021

Narsami Covid-19-imik tunillatsissimasoq ataaseq paasineqarpoq

Inuk ataaseq Danmarkimiit Narsamut tikissimasoq covid-19-imik tunillatsissimasoq nassaarineqarpoq. Pineqartoq marlunngorneq ulloq 23. Februaari nunatsinnut tikissimavoq.

Nutaarsiassaq takujuk
Ulloq 1. marts 2021

Covid-19-ip kinguneranik ikiorsiissutinik qinnuteqartoqarsinnaalerpoq

Takornariartitsinermik inuussutissarsiuteqartunut ikiorsiissutit suliffeqarfinnit qinnuteqaatigineqarsinnaalerput.

Nutaarsiassaq takujuk
Ulloq 23. februar 2021

Qaqortumi 65-ileereersimasut tamarmik akiuussutissamik kapitinnissamut neqeroorfigineqassapput

Qaqortumi najugaqarpit? 65-leereersimavit? Taava sisamanngorpat akiuussutissamik kapitissaatit.

Nutaarsiassaq takujuk
Ulloq 19. februar 2021

Nuuk: Coronamut akiuussutissamik kapitinnissamut neqereerut

Innuttaasut 65-ileereersimasut, Nunatsinni najugaqartutut nalunaarsorsimasut tamarmik akiuussutissamik kapitissinnaaleqqipput. Inunngorfiit nassaarigukku qaqugu kapitissinnaanerlutit takusinnaavat.

Nutaarsiassaq takujuk
Ulloq 16. februar 2021

Qeqertarsuatsiaat: Coronamut akiuussutissamik kapitinnissamut neqeroorut

Pingasunngorneq februarip 17-iat 2021. Innuttaasut 16‐ileereersimasut inuit allattorsimaffianni Kalaallit Nunaanni najugaqartutut nalunaarsorneqarsimasut coronamut akiuussutissamik kapitissinnaapput.

Nutaarsiassaq takujuk
Ulloq 16. februar 2021

Kommunit killeqarfii akimorlugit aaqqissuussinernik il.il. ingerlataqarnernik tunngatillugu malittarisassat nutaat

Ullumi Kalaallit Nunaannut nunatsinnilu angalanermi piumasaqaatit pillugit nalunaarutip aammalu katerisimaartarnernut killilersuigallarnerit pillugit nalunaarutip nutarterneri tamanut saqqummiunneqassapput. Nalunaarutit aqaguminngaanniit, 16. februaari 2021-mi atuutilissapput.

Nutaarsiassaq takujuk
Ulloq 15. februar 2021

Paamiut: Coronamut akiuussutissamik kapitinnissamut neqereerut

Marlunngorneq februarip 16-iat 2021. Innuttaasut 65‐inik ukiullit ukioqqortunerillu inuit allattorsimaffianni Kalaallit Nunaanni najugaqartutut nalunaarsorneqarsimasut coronamut akiuussutissamik kapitissinnaapput.

Nutaarsiassaq takujuk
Ulloq 10. februar 2021

Nuummi najugaqartutut nalunaarsorsimasut 65-ileereersimasut tamarmik ulluni makkunani akiuusutissanik kapitinnisamut neqeroorfigineqarput

1. marts 1956 sioqqullugu inunngorsimaguit, aammalu inuit allattorsimaffianni Nuummi najugaqartutut nalunaarsorsimaguit, imaluunniit januaarimi siullermeerlutit akiuussutissamik kapitissimaguit, ulluni makkunani coronamut akiuussutissamik kapitinnissamut periarfissaqarputit.
Innuttaasut 65-inik sinnerlugillu ukiullit, inuit allattorsimaffianni Kalaallit Nunaanni najugaqartutut nalunaarorsimasut tamarmik marlunngornermi 9. februaarimiit sisamanngornermi 11. februaarimut coronamut akiuussutissamik kapitinnissamut neqeroorfigineqarput. Akiuussutissanik kapuineq USK-ip eqaarsaartarfiani ingerlanneqassaaq.

Nutaarsiassaq takujuk
Ulloq 4. februar 2021

Februaarimi marsimilu COVID-19-imut akiuussutissanik kapuinissat pilersaarutaasut

Oqartussaasut akiuussutissanik kapuinissamut pilersaarutit taakkulu killiffii pillugit amerlasuunit saaffigineqartarput – saaffiginnissutit taakku ilaat akissuteqarfiginiarlugit matuma kinguliani maannamut akissuteqarfigisinnaasagut saqqummiuppagut. Kisiannili qaammatinut marlunnut tulliuttunut akiuussutissanik kapuinissamut pilersaarutit allanngorsinnaanerat eqqarsaatigalugu atuarneqassapput, akiuussutissanik pilersuinerit suli nalorninartoqarmata.

Nutaarsiassaq takujuk
Ulloq 27. januar 2021

Tunillatsissimasoqartillugu angerlarsimaannarnissamut piumasaqaatit nutaat

Tuluit nunaanniit coronavirusip allanngornerata siaruaannerata aammalu februaarip qiteqqunnerata nalaani Danmarkimi atugaanerpaasussatut naatsorsuutigineqarnerata malitsigisaanik, tunillatsissimasoqartillugu qanimut attaveqarfigisimasat angerlarsimaannaqqusaanissaannik piumasaqaatit sakkortunerulernissaanut alloriarnialerpugut.

Nutaarsiassaq takujuk
Ulloq 26. januar 2021

Akiuussutissanik kapuineq: Pilersuinermi tigusisoqaqqippoq

Kalaallit Nunaat kapuutinik akiuussutissanik tunisassiortumit Pfizer/BioNTech-imit pissarseqqipput, taamaalillunilu akiuussutissanik kapuinerup immikkoortua tulleq aallartittussanngorpoq. Pilersuinermi kapuutit akiuussutissat 975-it pissarsiarineqarput, taakkulu akiuussutissanik kapuinissamut pilersaarut, nunani tamalaani malitassat misilittakkallu naapertorlugit ulorianartorsiortunik naliliiffiusoq aalajangersarneqareersoq naapertorlugu siaruarterneqassapput. Utoqqaassuseq ulorianartorsiornermut tunngaviunerpaasoq taakkunani takutinneqarpoq, taamaattumillu innuttaasut utoqqaanerit salliutinneqarput.

Nutaarsiassaq takujuk
Ulloq 21. januar 2021

Kalaallit Nunaannut nunatsinnilu angalanermi piumasaqaatit pillugit nalunaarut nutaaq

Peqqissutsimut Naalakkersuisoqarfiup Kalaallit Nunaannut nunatsinnilu angalanermi piumasaqaatit pillugit nalunaarutip nutartigartaa ullumi saqqummiuppaa. Nalunaarut ulloq 23. Januaari 2021-mi atuutilissaaq.

Nutaarsiassaq takujuk
Ulloq 18. januar 2021

COVID-19-mut akiuussutissinneqarnissamik kissaateqarneq annertooq

Innuttaasunit akiuussutissinneqartussatut qaqugu tullinnguunnissamut apersuineq annertooq Peqqinnissaqarfimmit misigineqarpoq. Nuummi Ilulissanilu innuttaasut suli akiuussutissinneqarsimanngitsut, akiuussutissanik nutaanik tikittoqarpat Peqqinnissaqarfimmiit kommunimiilluunniit saaffigineqarnissap utaqqinissaanut innersuunneqarput.

Nutaarsiassaq takujuk
Ulloq 17. januar 2021

Uummannami tuniluuttoqarneranut takussutissaqanngilaq

Arfininngormat 16. januar 2021 Uummannami tunillatsissimasumut qanillisimasut tamarmik misissorneqarput. Misissukkat tamarmik Ilulissani laboratoriami misissoqqissaarneqarput, taakkulu tamarmik tunillatsittoqarsimaneranik takussutissaqanngillat.

Nutaarsiassaq takujuk
Ulloq 15. januar 2021

Angalanissat pisariaqarpa?

1. februaarimiit 28. februaarimut Imarpik qulaallugu angalanissaq kissaatigineqarpat, Kalaallit Nunaannut angalanissaq qinnutigineqartussaavoq – piffissap taassuma avataanut qinnuteqaatit suliarineqassanngillat.

Nutaarsiassaq takujuk
Ulloq 14. januar 2021

Silarlunnera peqqutigalugu Qaqortumi akiuussutissamik kapuinissat sap. ak. 4-mut kinguartinneqarput

Akiuussutissat, pingasunngornermi Qaqortumut apuunneqartussaagaluit ajoraluartumik silarlunnera peqqutigalugu apuutinngitsoorput.

Nutaarsiassaq takujuk
Ulloq 14. januar 2021

Uummannami Covid-19-imik tunillatsissimasoq

Inuk ataaseq Danmarkimiit Uummannamut tikissimasoq, tikinnerminiit ullut arfineq aappaanni misissortinnermini tunillatsissimasoq paasineqarpoq. Angalanermini Uummannamiinnerminilu qanillisimasaanik tamanik tunillatsittoqarsimasinnaaneranik misissuineq tamakkiisoq aallartinneqarpoq. Tunillatsissimasinnaasunik paasiniaaneq politiit nakorsaaneqarfik suleqatigalugu ingerlappaat.

Nutaarsiassaq takujuk
Ulloq 13. januar 2021

Akiuussutissamik kapuinermi immikkoortup tullia aallartinneqartussanngorpoq

Ullumi Danmarkimiit akiuussutissat, tunisassiorfimmit Pfizer/BioNTech-imeersut, pilersuutigineqartunit tulliit tiguagut, taamaalillutalu akiuussutissamik kapuinermi immikkoortup tullia aallartissinnaalerparput.

Nutaarsiassaq takujuk
Ulloq 8. januar 2021

Covid-19 pillugu paasissutissat siulliit pissarsiarineraniit ukioq ataasinngorpoq

Covid-19 pillugu paasissutissanik Namminersorlutik Oqartussat WHO-minngaanniit siullerpaamik pissarsineraniit ullumikkut ukioq ataasinngorpoq, taamaammallu taamanikkorniit qanoq angusaqarsimatiginerput pillugu killiffissiornissarput tulluartorujussuuvoq.

Nutaarsiassaq takujuk
Ulloq 8. januar 2021

Corona pillugu suliniut nutaaq: Aallarsimasut tamarmik angerlartinneqassapput

Danmarkimi Corona allanngortoq nutaaq, tuniluutiasorujussuaq sukkasoorujussuarmik tuniluuppoq. Taamaattumik Naalakkersuisuniit suliniutip allanngortinneqarnissaa akuerineqarpoq.

Nutaarsiassaq takujuk
Ulloq 4. januar 2021

Aasianni Covid-19-imik tunillatsisimasumik nassaartoqaqqippoq

Aasianni Covid-19-imik tunillatsittoqarsimavoq. Pineqartoq Danmarkimit Nunatta Peqqinnissaqarfianut suliartorluni januaarip ulluisa aappaanni tikippoq. Pineqartoq ippassaq januaarip ulluisa pingajuanni tunillatsissimanermik ersiuteqalereersimammat ullumi misissuiffigineqarpoq.

Nutaarsiassaq takujuk
Ulloq 3. januar 2021

Akiuussutissat siulliit

Ataasinngornermi 4. januaari 2021 Kalaallit Nunaanni innuttaasut siulliit virusimut, Covid-19 peqqutigalugu napparsimalissutaasartumut akiuussutissamik kapitissapput. Tamatuma peqatigisaanik tamanna akiuutissat, juullip ukiortaallu akornanni tiguneqartut, killilimmik amerlassusillit atorlugit kapuinermut aallarniutaassaaq.

Nutaarsiassaq takujuk
Ulloq 1. januar 2021

12. januar 2021 ilanngullugu tikittussanut mattussineq pillugu

30. decembari 2020-mi nalunaarutigineqarpoq, 12. januaari 2021 ilanngullugu Kalaallit Nunaannut tikittussat tamarmik, taamaallaat inuit inuiaqatigiinni pingaarutilinnik suliallit ikittuinnaat pinnagit mattunneqartut.

Nutaarsiassaq takujuk
Ulloq 29. december 2020

Covid-19-imut akiuussutissat Kalaallit Nunaannut tikiunneqarput

Akiuussutissat siulliit nunatsinnut apuunneqarput.

Nutaarsiassaq takujuk
Ulloq 28. december 2020

Tunillatsissimasumut qanigisaasoq tunillatsissimasoq ullumikkut paasineqarpoq

Ullumi ataasinngornermi 28. december Aasianni COVID-19-imik tunillatsissimasumik nutaamik nassaartoqarpoq. Tunillatsissimasoq nutaaq sapaatit akunnerani kingullermi tunillatsissimasunut marluusunut qanigisaavoq.

Nutaarsiassaq takujuk
Ulloq 23. december 2020

Aasianni Covid-19-imik tunillatsissimasut marluk

Ullumi pingasunngornermi decembarip ulluisa 23-ani Aasianni Covid-19-imik tunillatsissimasut marluk nassaarineqarput. Tamanna tikittunik nalinginnaasumik misissuinermut atatillugu pivoq.

Nutaarsiassaq takujuk
Ulloq 21. december 2020

Ataasinngornermi 21. december Nuummi tunillatsissimasut marluk

Ullumi Nuummi inuit marluk, imminnut attuumassuteqanngitsut tikinnerminniit ullut tallimat qaangiunnerini misissorteqqinnerminni tunillatsissimasut paasineqarpoq.

Nutaarsiassaq takujuk
Ulloq 20. december 2020

Ilulissani inuit arfinillit Covid-19-imik tunillatsissimasut uppernarsarneqartoq

Ullumi sapaammi 20-12-2020 Ilulissani Covid-19-imik tunillatsissimasut arfinillit nassaarineqarput. Taakku tamarmik tikinnerminniit ullut tallimassaanni misissortinnerminni pasineqarput, aammalu 15. Aamma 16. Decembarimi nunatsinnut tikissimallutik.

Nutaarsiassaq takujuk
Ulloq 8. december 2020

Kangerlussuarmi COVID-19-imik tunillatsissimasoq

Kangerlussuarmi COVID-19-imik tunillatsissimasoq ataaseq paasineqarpoq.

Nutaarsiassaq takujuk
Ulloq 2. december 2020

Juullilernerani tikittussanik mattussineq taamaatitsinerlu

Angerlarsimaannarnissamut maleruagassat atuuttut atorlugit juullisiornissaq qulakkeerniarlugu, Danmarkimiit nunanillu allaniit tikittussanut mattussisoqarpoq.

Nutaarsiassaq takujuk
Ulloq 2. december 2020

Nalunaarusiaq nutaaq 2. decembari 2020-mi atuutilertussamut – suut eqqumaffigissavigit

Naalakkersuisut Kalaallit Nunaannut nunatsinnilu angalanermi nalunaarut nutaaq akuereqqammerpaat. Siusinnerusukkut nalunaarut aammalu tuniluutinnginnissaq anguniarlugu sakkussat tunngavigineqarput.

Nutaarsiassaq takujuk
Ulloq 11. november 2020

Aasianni tunillatsittoq nutaaq

Ullumi Aasianni COVID-19-imik tunillatsissimasoq nutaaq paasineqarpoq, Pineqartoq Danmarkimiit tikissimavoq, nunatsinnilu nakorsaanerup tunillanneqarsimasoq angerlarsimaannartussaatitaanerminik malinnissimasoq nalunaarutigaa.

Nutaarsiassaq takujuk
Ulloq 11. november 2020

Juullimi angalanissat pinngitsoorniakkit

COVID-19 tikerartut aqqutigalugit Kalaallit Nunaannut pisussaavoq. Kalaallit Nunaanut tikittartut amerliartortillugit, Kalaallit Nunaanni tunillaassuisinnaaneq annertuneruleriartussaaq. Taamaattumik Namminersorlutik Oqartussanit suliffeqarfiit, oqartussaasut innuttaasullu Kalaallit Nunaannut aamma Kalaallit Nunaanniit pisariaqanngitsumik angalasoqassanngitsoq kaammattuutigineqarpoq. Tamanna pingaartumik aamma juullikkunni atuuttariaqarpoq.

Nutaarsiassaq takujuk
Ulloq 6. november 2020

Kalaallit Nunaannut isaariaq ataasiinnaq

Ataasinngornermi 9. novembarimiit Kalaallit Nunaat qulaallugu silaannartaq matuneqassaaq, taamaattumillu taamaallaat Kalaallit Nunaannut timmisartornerit Københavnip mittarfianniit pisinnaalissapput. Timmisartuussinerit ilaat, soorlu ajornartoornermi timmisartuussinerit ilaatinneqanngillat.

Nutaarsiassaq takujuk
Ulloq 21. oktober 2020

Aasianni COVID-19 imik tunillatsissimasoq nutaaq paasineqartoq

Ualisoq oktoberip 21-iani Covid-19 mik tunillatsissimasoq Aasianni paasineqarpoq. Nunatsinnut tikinnermiit ullut tallimassaani misissorteqqinnermi tamanna paasineqarpoq.

Nutaarsiassaq takujuk
Ulloq 16. oktober 2020

Peqqissaasut Kattuffiata tusagassiorfinnut nalunaarutaanut Peqqinnissaqarfimmi qullersat akissutaat

Peqinnissaq Pillugu Kattuffiit (PPK) coronamik tunillatsisinnaanerup pitsaalineqarnissaanik pisariaqartitsinermut tunngatillugu ernumassutaat, Peqqinnissaqarfimmi qullersat Peqqinnissaqarfiullu tamakkiisup paasilluinnarsinnaavaa. Peqqinnissaqarfimmi qullersat pisumi ilungersunartorsiorfiusumi oqimaaqatigiissaariniarsaripput.

Nutaarsiassaq takujuk
Ulloq 15. oktober 2020

Tallimanngornermi oktobarip ulluisa 16-ianni Nuummi ullut tallimassaanni misissuineq illoqarfiup qeqqani misissuivittaami ingerlanneqassaaq

Ataasinngornermi oktobarip 12-ani Københavnimiit Nuummut angalasut ilaasa ullut tallimassaanni misissortiffissap sumiinneranut tunngatillugu kukkusumik nalunaarfigineqarsimanerat eqqumaffigaarput.

Nutaarsiassaq takujuk
Ulloq 14. oktober 2020

Covid-ip nunarsuarmi tuniluunnerani nualluummut akiuussutissanik kapuinissaq

Covid-19-ip nunarsuarmi tuniluunnera peqqutigalugu 2020-mi ukiaanerani nualluummut akiuussutissamik kapitinnissamut innersuussiffiusut nalinginnaasumit amerlanerulersinneqarput. Nualluutit inuppassuarnut, Covid-19-imik tunillatsikkunik napparsimangaatsialersinnaasunut aamma ulorianartorsiortitsinermik annertusititsisussaapput.

Nutaarsiassaq takujuk
Ulloq 9. oktober 2020

Misissortittarfik nutaaq periuserlu nutaaq

Københavnip Nuullu akornanni angalanermut atatillugu ullut tallimassaanni misissortittarfik nutaaq periuserlu nutaaq.

Nutaarsiassaq takujuk
Ulloq 8. oktober 2020

Inuup qanittumi tunillatsissimasup qanigisaa Covid-19-imik tunillatsissimasoq nutaaq

Ullumikkut COVID-19-imik tunillatsissimasoq nutaaq saqqummerpoq. Tunillatsissimasoq ippassaq pisumut attuumassuteqarpoq. Tamanna naatsorsuutigineqarsimavoq qanigisat akornanni tunillaassuuttoqartarnissaa ilimanarluinnarmat.

Nutaarsiassaq takujuk
Ulloq 2. oktober 2020

2020-p sinneranut ikiorsiissutinut atuuttutut malittarisassiat

COVID-19-imut attuumassutilittut sinerissap qanittuani aalisarnermut ikiorsiissutit aallartisarneri, aamma immikkut ittunut ikiorsiissutit, takornariartitsinermillu inuussutissarsiorfimmi suliarisanut ikiorsiissutit sivitsorneri Naalakkersuisut ulloq 14. septembari 2020-mi tamanut saqqummiuppaat. Malittarisassiat atuuttut tamanut saqqummiunneqassapput.

Nutaarsiassaq takujuk
Ulloq 29. september 2020

Nalunaarut nutaaq – suut eqqumaffigissavigit

Danmarkimi nunanilu tamalaani inuit tunillatsissimasut amerliartorput, taamaattumik Naalakkersuisut Kalaallit Nunaanni aamma Kalaallit Nunaannut angalasunut nalunaarut nutaaq akuersisutigeqqammerpaat. Tassani nalunaarut atuussimasoq tunngavigineqarpoq aammalu tunillaassuinissamut akiuiniarnermi sakkussat annertusineqarlutik.

Nutaarsiassaq takujuk
Ulloq 24. september 2020

Angalanissat pisariaqanngitsut tamarmik pinaveersaarneqassapput

COVID-19-ip Danmarkimi tuniluunnerata annertusiartornera ingerlaannarpoq – taamaattumik suliffeqarfiit, oqartussaasut innuttaasullu nuna qimallugu pisariaqanngitsumik angalanissanik pinngitsuuinissaannik maanna Namminersorlutik Oqartussat inassuteqaateqarput.

Nutaarsiassaq takujuk
Ulloq 14. september 2020

Sinerissap qanittuani aalisartunut ikiorsiissut nutaaq – kiisalu inuussutissarsiutinik ingerlataqartunut ikiorsiissutit sivitsorneqarnerat

Nunami inuussutissarsiutit ilaat kisimik COVID-19-mit eqqugaanngillat – aammali sinerissap qanittuani aalisarneq eqqugaavoq. Taamaammat sinerissap qanittuani raajarnianut, saattuarnianut saarullinnianullu sammititamik aningaasaqarnikkut ikiorsiissutinik pilersitsinissaq Naalakkersuisut aalajangerpaat.

Nutaarsiassaq takujuk
Ulloq 21. august 2020

COVID-19-imut akiuiniarluni Kalaallit Nunaanni suliniutinut iluarsiissutit akuerineqarput

9. januar 2020-mi WHO-miit nappaat nutaaq tuniluuttorlu COVID-19 pillugu nalunaarut siulleq takkuppoq. Tamatuma kingorna nappaat nunarsuarmi tuniluuttoq peqqutaalluni tunillatsittut toqusullu amerliartorusaarput. Kisiannili aamma upernaap ingerlanerani COVID-19 pillugu ilisimasat amerliartorput, tamannalu tunngavigalugu Naalakkersuisut COVID-19-imut nunarsuarmi tuniluuttumut akiuiniarluni suliniut iluarsisaq akueraat.

Nutaarsiassaq takujuk
Ulloq 20. august 2020

Katerisimaartarnernut assartuutinullu killilersuigallarnerit pillugit nalunaarummut ilitsersuut

Katerisimaartarnernut, ininut kikkunnit tamanit iserfigineqarsinnaasunut assartuutinullu killilersuigallarnerit pillugit Namminersorlutik Oqartussat nalunaarutaat, nr. 28, 31. juli 2020-meersoq ilitsersuutaat pillugu ilisimatitsissut.

Nutaarsiassaq takujuk
Ulloq 11. august 2020

Nunatta avataanit Nunatsinnut angalanermi piumasaqaatit pillugit nalunaarut nutaaq

Savalimmiuni Islandimilu tunillaassuunnerup annertusiartornera pissutigalugu nunanit taakkunanit marlunnit nunatsinnut angalasunut immikkut sakkukilliliissutit peerlugit nalunaarummik iluarsisamik Naalakkersuisut ippassaq atuutsitsilerput.

Nutaarsiassaq takujuk
Ulloq 31. juli 2020

Katersuunnissamut il.il. killilersuutaagallartut sivitsorneqarput

Naalakkersuisut katersuunnissamut il.il. killersuugallartut pillugit nalunaarummi iluarsiissuteqarput aammalu 31. januar 2021-p tungaanut sivitsuillutik.

Nutaarsiassaq takujuk
Ulloq 28. juli 2020

Covid-19: Tunillaassortoqannginnissaanut periuserineqartumi anguniagaq pingaarutilik anguneqarpoq

Namminersorlutik Oqartussat misiligutinut atortorissaarutissatut maskiinanik tallimanik nutaanik pisipput, taakkulu Covid-19-imik tunillatsittoqarsimaneranik misissuinermi sukkanerusumik akissutissarsissanganissamut iluaqutaassapput.

Nutaarsiassaq takujuk
Ulloq 27. juli 2020

Angalanissamut ikiorsiissutit takornariartitsinernut atatillugu ikiorsiissutinut aaqqissuunneqareersunut ilalersuutaassapput

Angalanissamut ikiorsiissutinik aaqqissuussineq Naalakkersuisunit pilersinneqarpoq, taakkualu COVID-19-ertoqarneranut atatillugu takornariaqarnerup iluani kingunerluutinut ikiorsiissutissatut pilersinneqarnikuupput.

Nutaarsiassaq takujuk
Ulloq 24. juli 2020

Nanortallip eqqaani umiarsuarmi tunillatsissimasoq ataaseq

Ilisimasassarsiortut umiarsuaanni inuk ataaseq tikinnerminiit ullut tallimassaanni misissortinnermut atatillugu COVID-19-imik tunillatsissimasoq paasineqarpoq. Inuk taanna ippassaq Nanortalimmi peqqissaavimmi misissortippoq, tassanilu ersiuteqanngilaq. Umiarsuaq maanna Kalaallit Nunaata kujataani immamiippoq.

Nutaarsiassaq takujuk
Ulloq 17. juli 2020

Takornariartitsinermik ingerlataqartunut ikiorsiissuteqartarnermut malittarisassani allannguutit

Takornariartitsinermik ingerlataqartunut ikiorsiissuteqarnermik aaqqissuussinerni malittarisassani allannguuteqartitsisoqassasoq Naalakkersuisut aalajangerput. Inuussutissarsiortut qisuariaatigisartagaat tunngavigalugit suliffeqarnermilu illuatungeriinnik oqaloqateqareerluni tamanna pivoq.

Nutaarsiassaq takujuk
Ulloq 16. juli 2020

Nunatsinnut angalaneq pillugu nalunaarut nutaaq

Nunatsinnut angalaneq pillugu nalunaarut nutaaq ullormi 21. julimi atuutilissaaq maannakkuugallartumillu 31. december 2020-p tungaanut atuutissalluni - taamatuttaaq katerisimaartarnernut killilersuigallarnerit pillugit nalunaarutip atuuffia 31. decemberimut atuuttussanngorlugu sivitsorneqassaaq.

Nutaarsiassaq takujuk
Ulloq 3. juli 2020

Coronamut misissortittarnernut aamma aneqqusaajunnaarallarnernut assigiimmik periuseqarnissaq

Siunissami coronamut misissortinnerni tamani toqqusaakkut, tassa qungasikkut, taamaallaat misissortittoqalissaaq. Taamaalilluni qinngakkut misissortittoqartarunnaassaaq, soorlu tamanna illoqarfiit ilaanni periuserineqaraluartoq. Qinngakkut nappaatip suuneranik misissuinermi misissukkap inernera tutsuiginarnerusarpoq, kisiannili innuttaasunut ippingianartuuvoq tamannalu pissutigalugu inuit misissortinnissamut tunuarsimaarsinnaallutik.

Nutaarsiassaq takujuk
Ulloq 3. juli 2020

Innuttaasunut aneqqusaajunnaarallartitaasunut sumiiffissanik pisariaqartitsisunut attaveqaatit

Innuttaasunut aneqqusaajunnaarallartitaasunut sumiiffissanik pisariaqartitsisunut, illoqarfiit qimallugit peqqissaaveqarfeqanngitsunut angalasunut kiisalu Qaanaamut Tunumullu angalasunut tullinnguuttut atuupput.

Nutaarsiassaq takujuk
Ulloq 3. juli 2020

Nunatsinnut angalanermut nalunaarutip sivitsorneqarnissaa pillugu isumaqatigiinneq

Ullormi 15. juni Kalaallit Nunaata ammaqqinnissaanut immikkoortoq 1-ip atulermalli tikittussat amerlassusaat aamma inuiaqatigiinni suliassanut tulleriaarneqartunut tikittussat amerlatsikkiartortinneqarsimapput. Nutaanik tunillatsittoqarsimanngimmat nunatsinnut angalanermut nalunaarut atuutsinneqaannassaaq, atuuffialu 20. juli tungaanut sivitsorneqassalluni.

Nutaarsiassaq takujuk
Ulloq 1. juli 2020

COVID-19-imi kaaviiaartitani annaasanik pissuteqartumik suliffinnut taarsiissuteqartarnernut malittarisassiani allannguut

Suliffeqarfimmi illua-tungerisat oqaloqatigereerlugit suliffiit COVID-19-eqarfimmi annaasaannik taarsiissuteqarnissamut naatsorsuisarnerup allanngortinnissaa Naalakkersuisut aalajangiuppaat. Tamatuma nassataraa kaaviiaartitanik annaasanik narlusuumik ingerlasunik malittarinnittumik taartisiaqalernermik.

Nutaarsiassaq takujuk
Ulloq 25. juni 2020

Takornarialerisunut ikiorsiissutissat piffissap suliaqarnerpaaffiusartup anigorniarnissaanut tapersiivigineqassapput

”Takornariartitsinermik inuussutissarsiuteqartunut ingerlatassat” marlunnik aaqqissuussinertaqartut, takornariartitsinermut suliffeqarfiit aasaanerani suliaqarnerpaaffiusartup, COVID-19-ip kingunerisaanik inissisimanermit sunnernerlunneqartussatut naatsorsuutigineqartup, anigorniarnissaanut ikiorsiisussat, Naalakkersuisut atuutilersippaat.

Nutaarsiassaq takujuk
Ulloq 24. juni 2020

Katerisimaartarnernut il.il. killilersuigallarnermi naleqqussaarinerit

Katerisimaartarnernut il.il. killilersuigallarneq pillugu nalunaarummut Naalakkersuisut naleqqussaarisimapput.

Nutaarsiassaq takujuk
Ulloq 16. juni 2020

Kalaallit Nunaata ammaqqinneqarnera pillugu paasissutissat (immikkoortoq 1)

25. maj 2020-imi Kalaallit Nunaata ammaqqinneqarnissaanut immikkoortoq 1 ulloq 15. juni 2020 aallartissasoq Naalakkersuisut tusagassiorfinnut nalunaarutiminni nalunaarutigaat.

Nutaarsiassaq takujuk
Ulloq 12. juni 2020

Ullormi 15. junimi ammaaqqinnissaq attatiinnarneqassaaq

Naalakkersuisut sapaatit akunnerini kingullerni coronamik tunillatsissimasut Danmarkimiittut nunarsuullu sinneraniittut malinnaavigeqqissaarsimavaat. Ippassaq partiini siuttut tamarmik ataatsimeeqqipput ammaaqqinnissamullu isumaqatigiissutertik allanngortissanngitsoq qulakkeeqqillugu. Partiit siuttuisa ataatsimiinneranni ammaqqinnissamut immikkoortup 1-ip ataasinngornermut junip 15-iannut ullulernera attatiinnarneqassasoq isumaqatigiissutigineqarpoq.

Nutaarsiassaq takujuk
Ulloq 4. juni 2020

Sumut-immersuiffissaq

15. juni 2020 arlaatigut piareersimanissat ilanngullugit Kalaallit Nunaannut angalasarneq ammarneqassaaq. Piareersimanissanut ilaavoq illit nammineerlutit angalasutut Sumut-immersuiffimmik immersuisarnissat.

Nutaarsiassaq takujuk
Ulloq 2. juni 2020

Nunatsinnut tikinnermi angerlarsimaannarnissamut misissortinnissamullu malittarisassat 2. juni aallarnerfigalugu atuuttussat

15. juni aallarnerfigalugu Nunatsinnukartut misissuiffigineqartarunnaassapput avammullu angalanissamut bilitsit pisiarineqarsinnaalissallutik. Nunatsinnulli tikittut tamarmik misissortinnissamut maanngalu tikinnermi angerlarsimaannaqqusaaneq pillugu malittarisassat malissavaat immersugassarlu Sumut immersortassallugu.

Nutaarsiassaq takujuk
Ulloq 25. maj 2020

Ammaaqqinnissami immikkoortoq 1 ullormi 15. juni aallartissaaq

Kalaallit Nunaata ammaqqinnissaanut immikkoortoq 1 pillugu naalakkersuinikkut ataatsimut isumaqatigiissusiortoqarsimavoq, taannalu ullumikkut partiini siulittaasut tamaasa peqataatillugit saqqummiunneqarpoq. Isumaqatigiissummi pingaarnertut sammineqarsimapput tikissinnaalernissamut ammaanissaq piffissalernera, tikittussat amerlassusissaat aamma mattussaasarnermut misissuiffigitinnissamullu malittarisassat.

Nutaarsiassaq takujuk
Ulloq 24. maj 2020

Aasianni Covid-19-imik tunillatsissimasoq ataaseq

Innuttaasoq Aasianneersoq Danmarkimiit angerlareerluni Covid-19-imik tunillatsissimasoq paasineqarpoq. Tunillatsittoq inoqutinilu aneqqusaanngillat, tunillaassuunnissarlu soorpianngitsutut nalilerneqarpoq.

Nutaarsiassaq takujuk
Ulloq 18. maj 2020

Hotelini unnuinerit akileraaruteqanngitsumik sulinngiffeqarluni angalanermut aamma atuutilerput

Hotelini unnuinerit akileraaruteqanngitsumik sulinngiffeqarluni angalanernut ilaalerput.

Nutaarsiassaq takujuk
Ulloq 18. maj 2020

1. juni 2020-miit sapaatit akunnerannut pingasoriarluni Imarpik qulaallugu timmisartuussisarnissaq

1. juni 2020-miit Kastrupip Mittarfiata aamma Kangerlussuup akornanni sapaatit akunnerannut pingasoriarluni Imarpik qulaallugu timmisartuussisoqartalernissaa pillugu Namminersorlutik Oqartussat Air Greenlandimut isumaqatigiissuteqarput.

Nutaarsiassaq takujuk
Ulloq 15. maj 2020

Imarpik qulaallugu timmisartuussinernut nutaamik isumaqatigiissuteqartoqangajalerpoq

Kalaallit Nunaanni ammaassiartorneq pillugu suliniuteqarnermi maannarpiaq Namminersorlutik Oqartussat isumaqatigiissut, Kastrupip Mittarfiata aamma Kangerlussuup akornanni Imarpik qulaallugu timmisartuussinerit akuttoqatigiilernissaannik qulakkeeriffiusussaq sularileruttorpaat.

Nutaarsiassaq takujuk
Ulloq 14. maj 2020

Naalakkersuisut ammaasoqarnissaanut periusissaat

Ullormi 18. marts inuiaqatigiinni nappaalanersuup pinngitsoortinnissaa anguniarlugu timmisartukkut nunatsinniit nunatsinnullu angalanerit tamarmik mattunneqarput. Tamatuma kingorna nunap iluani angalanernut aamma nunanut allanut angalanerit killilersuinerit sakkukillineqarsimapput. Ammaasoqarnissaanut periusissamut Naalakkersuisut inassutaat maanna saqqummiunneqassapput.

Nutaarsiassaq takujuk
Ulloq 14. maj 2020

Kunngeqarfiup Issittoq pillugu periusissiaata nutarterneqarnera pillugu nutaarsiassat kingulliit

Kunngeqarfiup Issittoq pillugu periusissiaa maannakkut atuuttoq 2020-p naanerani atorunnaassaaq.

Nutaarsiassaq takujuk
Ulloq 14. maj 2020

Kalaallit Nunaat Amerikamiut suliffeqarfiutaanit COVID-19-imik misileraatissanik 5.000-inik pisivoq

Namminersorlutik Oqartussat Amerikamiut suliffeqarfiutaanit Cepheidimit COVID-19-imik misileraatissanik 5.000-inik pisipput. Misileraatissat ilaasa siulliit tikittareerput atulerneqareerlutillu.

Nutaarsiassaq takujuk
Ulloq 12. maj 2020

Danmarkimi ilinniarfinnut ammaqqissimasunut ilinniariartorluni angalasarnerit

Sisamanngorneq 7. maaji Danmarkimi Ministeriunerup Mette Frederiksenip Danmarkimi efterskolit inuussutissarsiornermullu ilinniarfiit 18. maaji aallarnerfigalugu ammaqqikkiartorneqarsinnaalersut nalunaarutigaa.

Nutaarsiassaq takujuk
Ulloq 11. maj 2020

Namminersorlutik Oqartussat Kulturimut aningaasaliissutaannik agguaassineq

Ilinniartitaanermut, Kultureqarnermut, Ilageeqarnermut Nunanut Allanullu Naalakkersuisoq Ane Lone Bagger kulturimut aningaasaliissutissanik 3.315.239,00 kr.-inik agguaassivoq.

Nutaarsiassaq takujuk
Ulloq 7. maj 2020

Isummernissamut kiffaanngissuseqarpugit – isummernissarli pisussaaffiginngilarput

Aallaqqaammut hashimik anngiortumik eqqussuinissaq pinaveersimatinniarlugu ilanngaaserisunik amerlanerusunik kissaateqarput. Tulliullugu akileraarusigaanngitsumik akiliunneqarluni sulinngiffeqarluni angalanernik atuinerup annertunerulersinneqarnissaat illersorpaat. Maannalu Coronap siaruaassuunnerata nalaani takornariaqartitsinermik inuussutissarsiutillit siuarsarniarlugit Namminersorlutik Oqartussat ikiorsiissuteqarnissamik saqqummiussinissaannut siunnersuummik saqqummiussipput.

Nutaarsiassaq takujuk
Ulloq 6. maj 2020

Kitaata avataani qaleralittanik tulaassisussaatitaaneq affaannanngortinneqarpoq

Aalisarnermik inuussutissarsiuteqartut siusinnerusukkut qaleralinnik niuerfigisartakkaminnut nioqquteqarniarnerminni nualluussuaq COVID-19 pissutigalugu aporfeqalersimaqisut Aalisarnermut Naalakkersuisoqarfimmut saaffiginnissuteqarput.

Nutaarsiassaq takujuk
Ulloq 4. maj 2020

Aallaqqusinnginnerit atorunnaarsinneqarput – tunillaassortoqannginnissaanulli periuserineqartoq suli malinneqassaaq

Kalaallit Nunaannit angalanissat peqqinnissaq eqqarsaatigalugu aarlerinartoqarunnaarmata Kalaallit Nunaata Danmarkillu akornanni upalungaarsimanermi immikkut timmisartuusisarnerit ataasinngornermi 4.maj aallarnerfigalugu atorunnaarsinneqarput.

Nutaarsiassaq takujuk
Ulloq 1. maj 2020

Akiuussutissalersuinermut pilersaarutinik annertusaaneq

Napparsimasut qajannartut nappaatinik annertuumik tunillaasartunik eqqugaasartut amerlassusaata ikilisarnissaat siunertaralugu Naalakkersuisut Nunatta Nakorsaataasivia aamma Nunatta Nakorsaaneqarfia suleqatigalugit akiuussusersiuineq annertusisarpaat, taamaalilluni coronavirusip tunillaassuunnerani peqqinnissaqarfiup artorsarnissaa pinngitsoortinneqassaaq.

Nutaarsiassaq takujuk
Ulloq 1. maj 2020

1. maj immikkut illuinnartoq

Aningaasaqarnermut Aatsitassanullu Naalakkersuisup Vittus Qujaukitsup oqalugiaataa.

Nutaarsiassaq takujuk
Ulloq 1. maj 2020

Jess Svane-p maajip aallaqqaataani oqalugiaataa

Ulloq 1. maj 2020 - Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisup Jess Svane-p oqalugiaataa

Nutaarsiassaq takujuk
Ulloq 30. april 2020

Sapaatip akunnerani 18-imi pisussat

Corona pissutigalugu sapaatip akunnerani 18-imi pisussaagaluit kingusinnerusukkut pisussanngorlugit kinguartinneqartut pillugit Naalakkersuisut 6. april tusagassiortunut nalunaaruteqarput.

Nutaarsiassaq takujuk
Ulloq 28. april 2020

Soraarummeernerit aamma misilitsinnerit inuusuttuaqqanut ilinniartitaanerni aamma qaffasinnerusunik ilinniartitaanerni

Naalakkersuisut akuersissutigivaat nalunaarut ajornartoornermi atuartitsisarnernut, tamatumani aamma misilitsittarnernut, maanna COVID-19-ip nalaani ilinniarnertuunngorniarfinni, inuussutissarsiutinut ilinniartitaanerni aamma qaffasinnerusunik ilinniartitaanerni.

Nutaarsiassaq takujuk
Ulloq 27. april 2020

Naalakkersuisut angalanissamut innersuussisartuinut naammagittaalliuuteqarsinnaatitaaneq pillugu naqqiineq

Tallimanngornermi tusagassiortunik katersortitsinerup kingorna angalanissamut qinnuteqaatit itigartitsissutigineqaraangata naammagittaalliuuteqarsinnaatitaasoqanngitsoq erseqqissarneqassaaq.

Nutaarsiassaq takujuk
Ulloq 27. april 2020

Tusagassiortunik katersortitsineq: Nunatta akiliisinnaassusianik aqutsineq

Nutaarsiassaq takujuk
Ulloq 23. april 2020

Suliffeqarfiit siunissamut sammisumik akissarsianut aningaasartuutinut matussutissinneqartassapput sulisuminnut COVID-19-ip nalaani angerlartitaasunut

Naalakkersuisut suliffeqarnermi illuatungeriinnik oqaloqateqareerlutik aalajangerput siunissamut sammisumik akissarsianut annaasanut taartisiassat 75 pct.-iniit 90 pct.-inut qaffanneqartut, suliffeqarfiit sulisuminnik soraarsitsinatik angerlartitsigallartarnerannut atatillugu.

Nutaarsiassaq takujuk
Ulloq 22. april 2020

Kalaallit Nunaat alloriarnernut marlunnut avillugu ammaqqippoq

Ullumikkut Naalakkersuisoq Karl Frederik Danielsen nalunaaruteqarpoq, Kalaallit Nunaat ulloq 25. april nal. 8.00 aallarnerfigalugu nuna tamakkerlugu ataatsimoorussamik innersuussutinik atuiffiulissasoq.

Nutaarsiassaq takujuk
Ulloq 17. april 2020

Ulluunerani paaqqinnittarfiit meeqqallu atuarfii sapaatip akunnerata tullianit ammariartuaarneqalissapput

Nuummi ulluunerani paaqqinnittarfiit meeqqallu atuarfii sapaatip akunnerata tullianit ataasinngornermit ammariartuaarneqalissasut Naalakkersuisut siulittaasuata Kim Kielsenip ullumi nalunaarutigaa.

Nutaarsiassaq takujuk
Ulloq 17. april 2020

Nunatsinni maanna misiligutit misissorneqarsinnaalerput

Manna tikillugu innuttaasut ullut marluk tikillugit COVID-19-imut misiligutit inerneri utaqqisarsimavaat. Maani laboratoriaqalernikkut misissugassat akissutaat innuttaasunut sukkanermik tunniunneqartalissapput, tassami misissukkat akissutaat ullormit ullormut tunniunneqarsinnaalissammata.

Nutaarsiassaq takujuk
Ulloq 16. april 2020

Meeqqat atuarfianni inaarutaasumik misilitsinnerit taamaatiinnarneqarneri

Ilinniartitaanermut Naalakkersuisup Ane Lone Baggerip siunnersuineratigut Naalakkersuisut aalajangerput, meeqqat atuarfianni 10. klassimi inaarutaasumik misilitsinnerit taamaatinnarneqarnissaannik nalunaarut atulersinniarlugu.

Nutaarsiassaq takujuk
Ulloq 18. marts 2020

COVID-19-ip Nuummi siaruaannerata killilernissaanut suliniutai pillugit upalungaarsimanermut tunngatillugu nalunaarut

Nutaarsiassaq takujuk
Ulloq 15. marts 2020

Tusagassiortunik 15. marts 2020 katersortitsinermi COVID-19 pillugu pissutsinut malinnaatitsineq

Nutaarsiassaq takujuk
Ulloq 13. marts 2020

Coronavirusi pissutigalugu peqqinnisaqarfiup Danmark imi sullisineranut allannguutit pillugit passisutissiineq

Danmarkimi pisut nassatarisaannik nunalu tamakkerlugu COVID-19-mik akiuiniarnermi iliuusissatut siunniussat tunngavigalugit, Danmarkimi pinasuartuunngitsumik nakorsartittussat/misissortittussat marsip 31-annut 2020 killilerneqarallartumik unitsinneqarput.

Nutaarsiassaq takujuk
Ulloq 3. marts 2020

Coronavirus pillugu paasissutissat nutaat

Coronavirus nappaallu tassannga patsiseqartoq pillugit paasissutissat pingaarnerit Nunatsinni Nakorsaaneqarfimmit katersorneqarput.

Nutaarsiassaq takujuk