airplanebooksbriefcase business cogs cross election entertainment fish house law lockmedicalpeopleselfservices socialtax

Atammimmi tunillatsittoqarsimanngilaq

Misiligutit Atammimmeersut tamarmik tunillatsittoqarsimannginneranik inerneqarput.
18. juli 2021

Tunillatsinnikoq ataaseq Kangaamiunut Atammimmullu angalasimammat, arfinninngormat juulip 17-iani Atammimmi kingusinnerusukkullu Kangaamiuni misissortittoqarsinnaanera neqeroorutigineqarsimavoq.

Maanna Misiligutit Atammimmeersut misissorluarneqareerput, misissuinerillu takutippaat Atammimmik tunillatsittoqarsimanngitsoq.

Kangaamiuni marlunngorpat juulip 20-ani misissortittoqarsinnaavoq, ulloq taanna aamma akiuussutissanik kapuuisoqarumaarpoq.

Eqqaamallugu
Innuttaasut tamarmik ersiutit immikkut eqqummaariffigissagaat kiisalu nalinginnaasumik innersuussutit malissagaat kaammattorneqarput. Qanillinaveersaarneq, assaat asakulanissaat, taliup peqittarfianut tangajortarnerit kiisalu covid-19-imik ersiuteqartilluni imaluunniit tunillatsissimasumik attaveqarsimagaanni angerlarsimaannarnissaq misissortinnissarlu kaammattuutigineqarlutik.