airplanebooksbriefcase business cogs cross election entertainment fish house law lockmedicalpeopleselfservices socialtax

Tunillatsittoqareersorlu Nuummi, Atammimmi Kangaamiunilu iliuutsit nutaat

Ippassaq unnukkut Nuummi innuttaasut marluk covid-19-imik tunillatsissimasut paasineqareersullu suli tunillaassuunnerup pilerfia paasineqanngilaq. Tamarmik Nuummi tunillatsissimanissaat ilimanaateqarpoq, tunillatsissimasullu aappaa Atammimmut Kangaamiunullu angalasimavoq.
17. juli 2021

Nuummi tunillaassuunerup pilerfia ilisimaneqanngitsup tunillaassuuttoqatarsinnaanera paasinarsisippasippaa.

Tunillatsissimasullu aappaa Atammimmiillunilu Kangaamiuniissimammat, nunaqarfinni taaneqartuni misissortittoqarsinnaaneranik neqerooruteqartoqarpoq:
- Atammimmi ullumi arfininngornermi juulip 17-iani nal. 14.00 peqqissaavimmi misissortikkiartortoqarsinnaavoq
- Kangaamiuni marlunngorpat juulip 20-ani aamma misissortittoqarsinnaavoq, ulloq taanna aamma akiuussutissamik kapuuisoqassaaq.

Nuummi Misissuivik aqagu sapaammi juulip 18-iani nal. 8-12 nalaani ammassaaq. Misissortinniaraanni inniminneeqqaartariaqanngilaq, ornigutiinnartoqarsinnaavoq.

Tunillatsissimasumut qanimut attaveqarsimagaanni ullut arfineq-marluk angerlarsimaannassapput. Taava ullut arfineq-aappassaanni PCR atorlugu misissorteqqissapput, tunillatsissimanngikkaanni angerlarsimaannaqqusaaneq atorunnaarsinnaavoq.
Angerlarsimaannarnermi misissortinnissaq innersuussutigaarput. Ima paasillugu: Misissortinneq ullut arfineq-aappassaani misissortinnginnermi. Tunillatsissimanngikkaluaraanniluunniit suli angerlarsimaannassaatit.

Tunillatsisimasumik qanimut attaveqarsimasut tamarmik ulluni 14-ini Covid-19-ip ersiutaanik immikkut nakkutiginnissapput.

Inuit tamarmik inunnik allanik attaveqarnerat annikinnerpaamiitinnissaa kaammattuutigineqarpoq, taamaaliornikkut tunillatsissimasumut qanimut attaveqartut ikinnerpaaffissaanitinniarneqarmat.

Ilutigalugu innuttaasut tamarmik ersiutit immikkut eqqummaariffigissagaat kiisalu nalinginnaasumik innersuussutit malissagaat kaammattorneqarput. Qanillinaveersaarneq, assaat asakulanissaat, taliup peqittarfianut tangajortarnerit kiisalu covid-19-imik ersiuteqartilluni imaluunniit tunillatsissimasumik attaveqarsimagaanni angerlarsimaannarnissaq misissortinnissarlu kaammattuutigineqarlutik.