airplanebooksbriefcase business cogs cross election entertainment fish house law lockmedicalpeopleselfservices socialtax

Inuit pingasut covid-19-imik tunillatsissimasut: Nuummi marluk kiisalu Qaqortumi ataaseq

Tallimanngornermi Qaqortumi inuk ataaseq covid-19-imik tunillatsissimasoq siumorneqarpoq. Pineqartoq tunillatsisimasut allat assigalugit juulip arfineq-sisamaani Rockhousemiissimavoq, taamaattorli ulluni kingullerni tunillatsisimasut attaveqarfigisimanngilai.
16. juli 2021

Taamaammat juulip arfineq-sisamaani imerniartarfimmiissimasut tamarmik angerlarsimaannassapput sukkanerpaarlu atorlugu misissortissallutik, nunatsinni nakorsaaneq kaammattuivoq.

Nuummi inuit marluk tunillatsisimasut tallimanngornerup unnugaa paasineqarpoq. Tunillatsisimasut Sarfaq Ittummut attuumassuteqanngillat aamma pineqartut angerlarsimaannarput. Tuniluunnerup paasiniarnera aallartinneqarpoq.

Ilutigalugu innuttaasut tamarmik ersiutit immikkut eqqummaariffigissagaat kiisalu nalinginnaasumik innersuussutit malissagaat kaammattorneqarput. Qanillinaveersaarneq, assaat asakulanissaat, taliup peqittarfianut tangajortarnerit kiisalu covid-19-imik ersiuteqartilluni imaluunniit tunillatsissimasumik attaveqarsimagaanni angerlarsimaannarnissaq misissortinnissarlu kaammattuutigineqarlutik.