airplanebooksbriefcase business cogs cross election entertainment fish house law lockmedicalpeopleselfservices socialtax

Sarfaq Ittummi tunillatsittoqarsimanngilaq

Sarfaq Ittummi ilaasut misissorneqarneri kingulliit tunillatsittoqarsimanngitsoq takutipaat. Tamanna isumaqarpoq Sarfaq Ittummut ilaallutik angalasut apuuffissaminnut pigunik angerlarsimaannartariaaruttut, umiarsuullu pilersaarutaasumik angalanera nangeqqinneqarpoq.
16. juli 2021

Ilaasut akornanni covid-19-imik tunillatsitoqarsimasinnaaneranik pasitsaassisoqareersorlu Sarfaq Ittummi angalanermi immikkut ittumik isumannaallisaanermik killilersuisoqartariaqarsimavoq. Ilaasut apuuffissaminnut apuummata angalarsimaannartinneqarput tuniluuttoqaratarsinnaaneralu ingalassimaartinniarlugu misissorneqarsimallutik.

Ilaasut 26-t Paamiuni ippassaq niusut misissorneqarput, tamarmillu tunillatsissimanngitsut nalunaarutigineqarluni.

Ilaasut sinneri 102-sut Nuummi niusut angerlarsimaannartinneqarput. Ilaasut 12-it Kommuneqarfik Sermersuup illoqarfiup akunnittarfiini angerlarsimaannartitaanissamik neqeroorutaat qujarussimavaat, sinneri nammineq angerlarsimaannarsimapput.

Umiarsuaq Nuummut akunnimmat, ilaasut 82-it Qaqortumi ikisimasunik issimasoqarpoq, taamaasillutik ilaasut ersiuteqartut angalaqatigisimallugit.

Taamaammat umiarsuaq ingerlaqqinnginnerani ilaasut pineqartut tunillatsissimannginnerannik inerneqaqqaartariaqarsimavoq. Ilaasut eqimattakkaarlutik, 15-ikkaarlutik Nuummi Misissuivimmut tulleriaallutik misissortikkiartorput, misissortereeramik angerlarsimaannarfianukaanneqanngikkunik umiarsuarmukaanneqarput.

Ilaasut ilaat sivikitsuinnarmik umiarsuarmiissimasut misissortinnissaat pisariaqarsimanngilaq, tunillatsissimassagaluarpata misissortinneranni takuneqarsinnaasimanavianngimmat.

Unnuk manna misiligutit tamarmik tunillatsittoqarsimannginneranik takutitsimmata ilaasut angerlarsimaannaqquneqarnerat atorunnaarsinneqarpoq, taamasilluni Sarfaq Ittuk pilersaarut malillugu angalanera aallarteqqinneqarluni.

Sarfaq Ittummi ilaasut apuuffissaminnut tikikkunik angerlarsimaannartariaarupput misissortittariaarullutillu.