airplanebooksbriefcase business cogs cross election entertainment fish house law lockmedicalpeopleselfservices socialtax

Tunillatsissimasut allat marluk: Narsarsuarmut timmisartumut ilaasimasut tamarmik misissorneqassapput

12. juli 2021

Ataasinngornermi unnukkut inuit marluk Coronavirusimik tunillatsissimasut paasineqarpoq. Taamaalilluni ataasinngornermi tunillatsissimasutut paasineqartut katillugit inuit tallimanngorput.

Tunillatsissimasut allat marluk ulloq 8. juuli Nuummiit Narsarsuarmut GL421-mi ilaasimapput. Ilaasoq nunami allami tunillatsissimassangatinneqartoq aamma ulloq 6. juuli GL427-mi ilaavoq. Timmisartoq taanna Kangerlussuarmiit Narsarsuarmut ingerlasussaagaluartoq Nuummut tikittussanngortinneqarpoq.

Angalanerni taakkunani marlunni ilaasimasut tamarmik maannakkumiit angerlarsimaannaqquneqarput, piaartumillu misissortillutik.

Kalaallit Nunaata kujataani tunillatsissinnaaneq ilimanaateqarluinnartutut maanna nalilerneqarpoq. Taamaattumik innuttaasut tamarmik tunillatsissimanermut ersiuteqarnerlutik eqqumaffigissavaat, napparsimasutullu misigigunik misissortillutik.