airplanebooksbriefcase business cogs cross election entertainment fish house law lockmedicalpeopleselfservices socialtax

Akiuussutissamik kapitikkusuttut amerlavugut, maannakkorpiarli utoqqaanerusut akiuussutissamik kapineqarnissaat qitiutinneqarpoq

Kapiniakkat akornanni ukioqatigiiaat 50+ -it ataallugit ukiullit orniguttorpassuusut kapuisarfinnit nalunaarutigineqarpoq. Paasinartumik akiuussutissamik kapineqarnissaminnut neqeroorfigineqarnissartik akiuussutisserneqarnermilu pitsaaqutit tamaasa pissallugit soqutigivaat. Taamaattorli innuttaasut ukioqatigiiaanut ornigoqquneqartunut ilanngunneqarnikuunngitsut ornigutinnginnissaat oqartussaasut qinnuiviginnipput. Maannakkoqqissaaq 50-inik sinnerlugillu ukiullit qitiutinneqarput.
2. juni 2021

Tunisassiortut allat akiuussutissaataat assiginagit akiuussutissap Modernaminngaanneersup uninngasuutiginissaanut naleqqiullugu piumasaqaateqartiginngilaq. Tamanna isumaqarpoq akiuussutissat Modernaminngaanneersut isumaginissaat uninngasuutiginissaallu ajornannginneerarsuusoq. Taamaammat ullormi akiuussutissamik kapuinermit akiuussutissanik sinneqartoqarneq ajorpoq, akiuussutissanillu aasserneqarsimasunik sinneqartoqassagaluarpat ullup tulliani atorneqarsinnaapput.

Taamaammat 50+ -inik ukiullit ilaginngippatsit, oqartussaasut qinnuigaatsit akiuussutissiisarfimmut ornigutinnginnissat oqartussaasut qinnuivigissavaatit – pissutigalugu utaqqisunut allattorsimaffeqanngimmat taamatullu allatsittoqarsinnaanani.

Paarlattuanilli sooq akiuussutissamik kapitikkusunnerit pillugu ilaquttatit ikinngutitillu utoqqaanerit oqaluttuunnissaannut kaammattornissaannullu, minnerpaamilluunniit akiuussutissamut akuersinermi pitsaaqutissat misissussagaat, ikiortiserinninnissat pisariaqartipparput.

Immitsinnut illersorniarluta akiuussutissamik kapitinnissarput akuersaartarparput – pitsaaqutiginerpaasaali tassaavoq qanigisavut asasavullu aamma illersortussaagatsigit.

Inuiaqatigiinnik akiuussutissamik kapuinissamut atatillugu sms-inik nassiussisoqarnavianngilaq, taamaammat innuttaasut nammineerlutik allagartarsuit ikkussuunneqartunut corona.gl-ikkullu nutarterneqartunut malinnaanissaannut kajumissaarneqarput.