airplanebooksbriefcase business cogs cross election entertainment fish house law lockmedicalpeopleselfservices socialtax

Tasiilami, Qaanaami nunaqarfiinilu akiuussutissamik kapitinnissamut neqeroortoqalerpoq

Sapaatit akunneri marluk ingerlanerini Tunumi kiisalu Qaanaami, taakkulu nunaqarfiini innuttaasut inersimasut covid-19-imut siullermeerlutik akiuussutissamik kapitinnissamut neqeroorfigineqassapput – tassani naartusut milutsitsisullu kisimik pinnatik. Akiuussutissaq inunnut ataasiakkaanut covid-19-imut annertuumik illersuutissaavoq. Aamma sumiiffinni taakkunani tuniluuttoqarnissaa pinngitsoortinneqassappat, sapinngisamik amerlanerpaat kapitinnissaat pingaaruteqarpoq. Tamanna siumut eqqortumik alloriarfiungaatsiassaaq, taamatullu nunatsinni killeqarfinnik annertunerusumik ammaaffiussalluni.
5. maj 2021

Sumiiffinni eqqugaanerpaasinnaasuni kapuinerup annertunerusumik aallunneqarnissaa
Covid-19 tuniluutilissagaluarpat, nunatsinni isorartussutsit annertuut peqqinnissamilu isumalluutit killeqarneri peqqutaallutik Kalaallit Nunaata avannaa Tunulu sumiiffittut, tuniluuttoqalinnginnissaanut immikkut ittumik suliniuteqarfissatut aalajangiunneqarput. Tamanna peqqutigalugu ulluni makkunani Tunu Avannaalu annertunerusumik aallunneqalerput. Akiuussutissanik kapuillutik angalasut sapaatit akunnerisa marluk missaanni Tunumi sumiiffinnut arfinilinnut innuttaasunik akiuussutissersuiniarlutik ornigutissapput, tamatumalu peqatigisaanik ullut sisamat ingerlanerini akiuussutissanik kapuillutik angalasut Avannaani angalassallutik.

Akiuussutissanik kapuillutik angalasut maajip ulluisa arfernanni aallartissapput, aammalu maajip ulluisa 14-iata tungaanut kapuissallutik. Allannguisoqarsinnaavoq, taamaattumillu Corona pillugu Allattoqarfimmiit nittartagaq corona.nun.gl aqqutigalugu malinnaasoqarnissaa inassutigineqarpoq, kisiannili maannamuugallartoq akiuussutissanik kapuinissamut pilersaarut imatut isikkoqarpoq:

Tunu
Ulloq Sumiiffik

6. -14. maj, Moderna, siullermeertunik kapuineq Tasiilaq nunaqarfiilu
6. maj, nal. 09.30-14.30, Moderna, siullermeertunik kapuineq Kuummiut, Illu Sullivik
7. maj, nal. 09.30 -11.30, Moderna, siullermeertunik kapuineq Isortoq, Illu Sullivik
7. maj, nal. 13.15 - 15.00, Moderna, siullermeertunik kapuineq Tiniteqilaaq, Illu Sullivik
8. maj, nal. 09.00 - 16.00, Moderna, siullermeertunik kapuineq Tasiilaq, Timersortarfik
9. maj, nal. 09.00 - 16.00, Moderna, siullermeertunik kapuineq Tasiilaq, Timersortarfik
10. maj, Moderna, siullermeertunik kapuineq Tasiilaq, Utoqqaat Angerlarsimaffia
11. maj, nal. 10.00 - 14.45, Moderna, siullermeertunik kapuineq Sermiligaaq, Illu Sullivik
12. maj, nal. 09.00 - 16.00, Moderna, siullermeertunik kapuineq Tasiilaq, Timersortarfik
14. maj, nal. 09.30 - 13.00, Moderna, siullermeertunik kapuineq Kulusuk

Avannaa
6. - 10. maj, Moderna, siullermeertunik kapuineq Qaanaaq nunaqarfiilu
6. maj, Moderna, siullermeertunik kapuineq Siorapaluk, Peqqissaavik
6. maj, Moderna, siullermeertunik kapuineq Qeqertat, Peqqissaavik
7. maj, Moderna, siullermeertunik kapuineq Qaanaaq, Timersortarfik
8. maj, Moderna, siullermeertunik kapuineq Savissivik, Peqqissaavik
10. maj, Moderna, siullermeertunik kapuineq Qaanaaq, Timersortarfik

Akiuussutissaq Moderna-meersoq atorlugu kapuisoqassaaq
Innuttaasut 18-inik ukiullit utoqqaanerusullu akiuussutissamik kapitinnissamut neqeroorfigineqarnerminni akuerseqqullugit kaammattorneqarput. Kisianni naartusut milutsitsisullu maannarpiaq kapitinnissamut neqeroorfigineqarsinnaanngillat, akiuussutissat taakkununnga akuerisaanngimmat. Akiuussutissaq atorneqartoq Moderna-meersuuvoq. Akiuussutissamik kapitittut covid-19-imik napparsimarujussualernissamut pitsaasumik illersorneqalertussaapput. Tuniluuttoqalernissaa pinngitsoortinniarlugu sapinngisamik amerlanerpaat akiuussutissanik kapitinnissaat pingaaruteqarpoq.