airplanebooksbriefcase business cogs cross election entertainment fish house law lockmedicalpeopleselfservices socialtax

Maajip pingajuani malittarisassat nutaat atuutilissapput

Maajip pingajuani oqartussaasunut timmisartuussisarneq unitsinneqassaaq avataaniillu tikittussanut malittarisassat nutaat atuutilissapput.
3. maj 2021

Maajip pingajuani malittarisassat nutaat atuutilissapput 

Ukiortaamiilli oqartussaasunut timmisartuussisarneq ingerlanneqarnikuuvoq, taamatuttaaq avataaniit tikittut amerlassusaat killilersorneqarnikuupput. Maajip 3-ani 2021 oqartussaasunut timmisartuussisarneq unitsinneqassaaq avataaniillu tikittussat ammaanneqassapput, taamaattorli amerlassutsit killeqartinneqassapput.

Piffissap ilaani avataaniit tikittussat amerlassusaat killeqartinneqassapput. Aallarniutitut timmisartuutileqatigiit timmisartuussinermi ataatsimi inuit 200-t avataaniit angalasalernissaat akuerineqassaaq, sapaatillu akunneranut timmisartuussinerit pingasuussallutik.
Sapaatip akunneranut avataaniit tikittussat amerlassusaat pisariaqartitsineq malillugu aaqqiisoqartassaaq, tamanna akiuussutissamik aamma covid-19-nimik tunillaassuisinnaanerup navianaatai kapuinerup qanoq ingerlaneranik apeqqutaalluinnassapput.

Corona.nun.gl- imi Coronap allattoqarfia ataavartumik ilisimatitsisassaaq sap.ak.-neranut qassit avataaniit amerlanerpaamik timmisartuutileqatigiit tikisittassanerai.

Malittarisassaliorneq tamanna timmisartuni ilaasut amerlanerpaaffissaat pillugu nalunaarummit saqqummiuteqqammersumit tunngavigineqarpoq. Nalunaarut tamanna sioqqullugu Kalaallit Nunaannut nunatsinnilu angalanermi piumasaqaatit pillugit nalunaarut aamma katerisimaartarnernut, ininut kikkunnit tamanit iserfigineqarsinnaasunut assartuutinullu killilersuigallarnerit pillugit nalunaarut (Immikkoortoq 1) nutaamik atuuffeqartumik saqqummiunneqarputtaaq.

Nalunaarutit naalakkersuisut saqqummiussinermi nittartagaani saqqummiunneqarumaarput.


Aamma atuarsinnaavatit