airplanebooksbriefcase business cogs cross election entertainment fish house law lockmedicalpeopleselfservices socialtax

Nuummi kiisalu Ilulissani nunaqarfiinilu akiuussutissanik kapuuinissat

1. – 8. juunimi Nuummi Ilulissanilu Nuummi Ilulissanilu innuttaasunut 50-ilereersimasunut, aammalu Ilulissat nunaqarfiini innuttaasunut 18-ileereersimasunut akiuussutissaq Modernameersumit kapuuinernit kapuuinissat annersaat ingerlanneqassaaq.
31. maj 2021

Sapaatip akunnerup kingullermi Nuummi tuniluuttoqarnera peqqutaalluni Nuummi innuttaasunut akiuussutissanik kapuuinissamut pilersaarut siuartinneqarpoq. Taamaattumik aqagu marlunngornermi 1. juunimi Nuummi akiuussutissanik kapuuinerit aallartinneqareertussaapput, tassani ukiortoqqunerit aallarniutigineqarlutik ukiukinnerusunut ingerlanneqassallutik. Kapuuineq ingerlanneqarpoq, tamanna ilutigiinnarlugu akiuussutissamik kapuuisartut ulloq 2. Juuli Ilulissanut tikinnginnerminni Ilulissat nunaqarfiini akiuussutissamik kapuuinissartik aallartissavaat.

corona.nun.gl aqqutigalugu malinnaagit

Nuummi kiisalu Iluilissani taakkulu nunaqarfiinilu akiuussutissanik kapuuinissamut pilersaarutit tamanut ammasumik, aammalu corona.nun.gl-imi “Kapuinerit” aamma “Kapuiffissaq tulleq” aqqutigalugit, saqqummiunneqarput. Assersuutigalugu sila peqqutaalluni pilersaarutinik allannguisoqaratartoqarsinnaavoq, taamaattumillu Corona pillugu Allattoqarfimmiit nittartakkakkut malinnaanissaq innersuussutigineqarpoq.
Piffissat kapuuiffissallu allanngorsinnaaneri eqqarsaatigalugit, maannaagallartoq pilersaarutit imannak isikkoqarput:

Ilulissat nunaqarfiillu

1. juuni 2021: Saqqami, Qeqertani Oqaatsunilu akiuussutissanik kapuuinissat
1. juunimi Saqqami, Qeqertani Oqaatsunilu innuttaasunik 18-inik ukiulinnik utoqqaanerusunillu (+18) akiuussutissanik kapuuisoqassaaq.
Piffissat sumiiffissallu:
Saqqaq: nal. 10-13.00, Illu Sullivik
Qeqertaq: nal. 14-16.00, Illu Sullivik
Oqaatsut: nal. 18.00, Atuarfik

2. juuni 2021: Ilulissani akiuussutissanik kapuuinissat
2. juunimi Ilulissani innuttaasunik, 50-inik ukiulinnik utoqqaanerusunillu (+50) akiuussutissanik kapuuisoqassaaq. Neqeroorut innuttaasunut 2. juuni 1971 sioqqullugu inunngorsimasunut atuuppoq.
Piffissaq sumiiffissarlu:
Nal. 8:30-miit 18:00-imut, Sermermiut

3. juuni 2021: Ilimanami akiuussutissanik kapuinissaq
3. juunimi innuttaasunik 18-inik ukiulinnik utoqqaanerusunillu (+18) akiuussutissanik kapuisoqassaaq.
Piffissaq sumiiffissarlu:
Nal. 10, Katersortarfik

Nuuk


1. juuni 2021, 61-ileereersimasut utoqqaanerusullu tamarmik, Ukaliusap atuarfia
2. juuni 2021, 60 – 57-inik ukiullit, Ukaliusap atuarfia
3. juuni 2021, 56 – 54-inik ukiullit, Ukaliusap atuarfia
8. juuni 2021, 53 -50-inik ukiullit, Ukaliusap atuarfia

Akiuussutissamik Moderna-meersumik kapuuinissaq
Akiuussutissaq atorneqartussaq Moderna-meersuuvoq. Akiuussutissanik kapuuinermi covid-19-imik napparsimarujussualinnginnissaq qulakkeerluarneqassaaq. Tuniluuttoqalernissaa pakkersimaartinniarlugu sapinngisamik amerlanerpaat kapitinnissaat pingaaruteqarpoq. Taamaattumik innuttaasut tamarmik akiuussutissamik kapitinnissamut akuersaaqqullugit kaammattorneqarput. Kisiannili naartusut milutsitsisullu akiuussutissamik kapitinnissamut manna neqeroorfigineqarsinnaanngillat, akiuussutissaq pineqartoq taakkununnga atorneqartussatut akuerisaanngimmat.
Illoqarfimmi nunaqarfinnilu allagartarsualersuinikkut, corona.nun.gl aqqutigalugu aamma Naalakkersuisut Facebook-iatigut nittartagaatigullu saqqummiussinikkut akiuussutissanik kapuinissamut pilersaarut ilisimatitsissutigineqassaaq.