Misissortinnikkut tunillatsissimasutit paasineqarpat
Napparsimaguit peqqissinissavit tungaanut angerlarsimaannarnissat innersuussutigineqarpoq.
Napparsimaguit allat tunillassannginnakkit peqqissinissavit tungaanut angerlarsimaannarnissat innersuussutigineqarpoq. Napparsimasutut misigiguit aamma napparsimanngikkaluaruilluunniit tunillaassuunnaveersaarnissamut innersuussutit Nunatta Nakorsaaneqarfianit maleqquneqarput.
Tamatumunnga atatillugu angerlarsimaannaruit allat qanillinaveersaarlugillu sivisunerusumik qanillinaveersaassavatit, tassa imaappoq suliartussanngilatit, sunngiffimmi sammisassanut ornigutissanngilatit inuilluunniit ataatsimoornissaannut aaqqissuussanut ornigutissanngilatit, aamma meeqqat atuariartussanngillat, meeqqeriviliassanngillat il. il. Matumani pingaartumik utoqqaat inuunermilu sinnerani nappaatinik atugaqartut tunillakkuminarnerusut qanillinaveersaarnissaat pineqarput. Angerlarsimatillutit imaanngilaq mattutissasutit.
Kingullermik nutarterneqarpoq