Qanimut attaveqaataaguit

Nalilersuutini tulliuttuni ataaseq naammassigukku:

  1. Illoqatigiinni inummik tunillatsissimasumik najugaqateqaruit
  2. Arnaatit angutaatilluunniit tunillatsissimappat (najugaqatiginngisaq)
  3. Efterskolemi, højskolemi, lejrskolemi assigisaaniluunniit tunillatsissimasumik ineqateqaruit
  4. Qaaqqusat/pinnguaqatit tunillatsissimappat

… Piffissamilu tuniluuffiusumik tunillatsissimasumik piffissami sivisunerusumik attaveqarsimappata:

  • COVID-19-imut ersiutillit piffissaq tunillaasinnaaffiat: Ersiuteqalernissaq nal. ak. 48-nik sioqqullugumiit ersiutaarunnissap tungaanut, tamannali ersiuteqalernermiit ullunit unnuanillu sisamanit sivikinnerussanngilaq.
  • Inuit Antigen imaluunniit PCR atorlugu misissortinnermi Covid-19-imik tunillatsissimasutut paasineqartut aammalu ersiuteqanngitsut: PCR-imik misissortinnissaq/imminut misissornissaq nal. ak. 48-nik sioqqullugit, misissuinermilu tunillatsissimanerup paasineqarneraniit ullut sisamaat tikillugu.

Qanimut attaveqarsimasutut nalilerneqarsinnaavutit aatsaat qulaani taaneqartut nalaassimagukkit.

Qanimut attaveqaatit tassaapput, inuk tunillatsissimasoq najugaqatigisaq, ulluinnarni sinittarfeqatigisaq, sofameeqatigisaq, eqitaartagaq il.il. Tamatuma saniatigut amerlanertigut tassaasarput, tunillatsissimasup piffissami tuniluuffiusumi qanimut akulikitsumik timikkut attaveqarfigisartagaa, soorlu assersuutigalugu arnaat angutaat, qaaqqusat/pinnguaqatit unnuisut il.il.

Illit tunillatsissimaguit imaluunniit tunillatsissimasumut qanittumiissimaguit, qanimullu attuumassutinut nalilersuutinut naapertuutinngikkuit, tassaasinnaavutit “attaveqaat alla””. Attaveqaatit allat pillugit immikkoortumi tassani paasisaqarnerugit Inummik tunillatsissimasumik/tunillatsissimasinnaasumik ilagisaqarsimaguit, qanimulli attaveqarsimanak.

Qanillisaqarsimaguit assigisaanilluunniit pisimaguit, akiuussusersuinermi killiffiit imaluunniit siornatigut tunillatsissimanerit apeqqutaatinnagu:

  • COVID-19-imut ersiuteqalerninni mattutissaatit
  • Angerlarsimaannassanngilatit
  • Inuup tunillatsissimasup misissortinnermini COVID-19-imik tunillatsissimanerata paasineqarneraniit ullut unnuallu pingajussaanni imminut misissornissat (antigentest) inassutigineqarpoq
  • Qanillinaveersaarnissavit, errortorluartarnissatut tunillaanaveersaarlutillu allanik iliuuseqarnissavit eqqumaffigilluarnissaa inassutigineqarpoq

Covid-19-p ilisarnaataanik peqaleruit maleruaqqusat atuuttut malinninnissat kaammattuutigineqarpoq.

Ajornerulernissannut ernumanartumiikkuit PCR-imik misissortissaatit. Tamanna atuuppoq naammassillutit akiuussuserneqarsimagaluaruilluunniit, akiuussuserneqarsimanngikkuit imaluunniit qaammatit pingasut kingulliit ingerlaneranni tunillanneqarsimagaluaruit. Kikkut ajornerulernissamut ernumanartumiinnersut erseqqinnerusumik atuarsinnaavat uani.

COVID-19-imut ersiutit nalinginnaasut atuakkit, uani.

Attaveqarfigisimasat allat tassaapput inuit, COVID-19-imik tunillatsissimasup piffissami tuniluuffiusumi angerlarsimaffiup avataani qanillisimasat. Attaveqarfigisimasat allat tassaanerusarput ilagisartakkat, imaluunniit ulluinnarni akulikitsumilluunniit peqatigisartakkat. Attaveqarfigisimasat allat qanimut attaveqarfiunngillat.

“Attaveqaat alla”-tut inissisimasunut immikkut ittunik maleruagassaqanngilaq. “Attaveqaat alla”-guit COVID-19-mullu ersiuteqarlerlutit, taava ersiuteqarnermi innersuussutit malissavatit.

Attaveqarfigisimasanut allanut assersuutit:

  • Inuit, tunillatsissimasumik ataatsimeeqarsimasut, ilinniarfinni, kulturikkut aaqqissuussani imaluunniit suliffimmi attaveqarsimasut
  • Inuit, tunillatsissimasumik nereqateqarsimasut
  • Inuit, tunillatsissimasut timimik allamik attuiffimmik timersoqatigisimasai
  • Inuit, tunillatsissimasup biileqatigisimasai
  • Tunngaviusumik atuarfimmi klassimi nalinginnaasumi atuartumut tunillatsissimasumut atuaqataasut etc.
  • Inuit, tunillatsissimasumik tukkusuunngitsumik pulaartoqarsimasut
  • Meeqqat, tunillatsissimasumik atuarfimmi klassimi atuaqateqartut imaluunniit ulluunerani paaqqinnittarfinni meeqqat tunillatsissimasumik inimeqaateqartut
  • Inuit, efterskole aammalu højskoleni tunillatsissimasumik ineqateqanngitsut

Meeqqat COVID-19-imik ersiuteqalissappat taava meeqqat maleruaqqusanik atuuttunik malinninnissaat kaammattuutigineqarpoq.

Atuarfinni paaqqinnittarfinnilu tunillatsittoqarsimatillugu ”attaveqartut allat” amerlanertigut nalilerneqartassaaq.

Meeqqat inummut tunillanneqarsimasumut allatut attaveqarsimasutut inissippat, ulluunerani meeqqerivimmi il.il., tunngaviusumik atuarfimmi (aamma efterskole-ni fagskole-ni) imaluunniit sunngiffimmut atatillugu sammisaqarnermi, attaveqarsimasutut inissinnermi innersuussutit malissavaat. Immikkoortoq annerusumik atuaruk Inummik tunillatsissimasumik/tunillatsissimasinnaasumik ilagisaqarsimaguit, qanimulli attaveqarsimanak.

Taamaattorli efterskole-ni assigisaannilu ineqarfigisameeqatigisat qanimut attaveqarsimasunut innersuussutit malissavaat.

Ilaqutariit meerartalinnut siunnersuutit pitsaasut uani atuarsinnaavatit

Kingullermik nutarterneqarpoq