Peqqissilluni nalunaarneq

Mattusimanerit unitsissinnaavat:

Ersiuteqaleruit:

  • COVID-19-mut annikitsumik ersiutit tassaapput, kakkilertaneq, querunneq, quersulaarnerit ass. takkutilaarsinnaasartut, taamaattumillu napparsimanermik misigititsinngitsut. COVID-19-imut annikitsunik ersiuteqaruit, taava ersiuteqaleqqaarnermiit ullut sisimat qaangiunneranni mattusimaannarneq unitsissinnaavat. Malunnartumilli ersiuteqaruit ersiuteqarunnaarnissavit tungaanut mattusimaannassaatit.
  • Malunnartumik ersiutit tassaapput, kissarneqarneq, quersullattaaneq, tangajortarnerit imaaluunniit anersaartorniarnikkut ajornartorsiuteqarneq, napparsimasutullu misigalutit. COVID-19-imut malunnartumik ersiuteqaruit, taava ersiutaarukkuit mattusimaneq unitsissinnaavat – taamaattorli ersiuteqaleqqaarnermiit siusinnerpaamik ullut sisimat qaangiuppata tamanna pissaaq. Ima paasillugu, ullut sisamat qaangiuppata matusimaannarnerit unitsissinnaavat, aamma annikitsumik ersiuteqaraluaruit, soorlu kakkilertaneq, querunneq quersualaarnerillu ass.

Ersiuteqalinngikkuit:

  • Positiviusumik misissortereernermi ullut sisamat matusimaannassaatit, aamma ersiuteqanngikkaluaruilluunniit.

Peqqissilluni nalunaarneq:

Tunngavissat matuma siuliani allassimasut tunngavigalugit mattusimanerit unitsissinnaavat imminullu aaqqittutut nalunaarutigalutit.

Aaqqinnerit pillugu peqqinnissaqarfimmi oqartussaasunut nalunaaruteqartariaqanngilatit.

COVID-19-imik tunillatsissimallutit napparsimarululersimanngikkuit, imaluunniit napparsimanerup nakorsaatitornerulluunniit nassatarisaanik timivit akiuussinnaassusia annikillisimanngippat Peqqinnissaqarfiup aaqqinnerit nalunaarutigalugu attaveqarfigissanngilaatit.

Kingullermik nutarterneqarpoq