Napparsimanermut ersiuteqaleruit

Covid-19-imut ersiutit nalinginnaasut nuannermit influenzamillu nalunngisannut assingupput.

  • Kissarneqarneq
  • Panertumik quersorneq
  • Anersaartornermi ajornartorsiorneq
  • Qasoqqaneq
  • Mamassusersiuutaarunneq naamasinnaassuseerunnerlu
  • Nukitsigut anniarneq
  • Toqqusaarlunneq

Ilaasa aamma ersiutit allat nalaassinnaavaat, soorlu meriannguneq meriarnerlu.

Ersiutit inummiit inummut allanngorarsinnaapput, ersiuteqarnerlu soorlu kissarneqarneq, COVID-19-imik nappaateqarnermut qulakkeerinnissinnaanngilaq.

COVID-19-imut ersiuteqaruit misissortinnermit tunillatsissimaninnut tunillatsissimannginninnulluunniit uppernarsaasussamit akissutisinissavit tungaanut coronavirusimik tunillatsissimanertut isigissavat.

COVID-19-imut ersiuteqaruit:

  • Angerlarsimaffimmi mattusimagit
  • Najukkanni peqqinnissaqarfimmut sianerit
  • PCR-test atorlugu misissortinnissat isumagiuk
  • Eqqiluisaarnissaq eqqiaanissarlu annertuumik eqqumaffigikkit

Immikkut ittumik pissuteqavissumik, soorlu misissortinnissamut atatillugu angerlarsimaffimmi mattusimanerit sivikitsumik unitsittariaqarukku, qanermut assiaqummik CE-mik meqqilimmik atuigit.

Tamanut angallassissutinik atuisinnaatitaannginnerit eqqaamajuk

Najukkanni peqqinnissaqarfimmut sianissaatit:

  • COVID-19-imut ersiuteqaruit assullu napparsimasutut misigalutit
  • Ernumaguit nalornillutilluunniit

Peqqinnissaqarfimmi sulisut misissortissanersutit piaartumillu misissorneqartariaqarnersutit aalajangissavaat Peqqinnissaqarfimmi sulisut tamanna pisariaqartoq nalilerpassuk ullup taassuma ingerlanerani misissortinnissannik neqeroorfigineqassaatit Peqqinnissaqarfimmi sulisut misissuinerup qanoq sumilu ingerlanneqarnissaanik ilisimatissavaatsit.

Akiuussuserneqarsimaguit, tunillaassuinermik pinaveersaartitsinissamut innersuussutit innuttaasunut tamanut atuuttut aamma illit malissavatit. COVID-19-imut ersiuteqaruit aamma suli qisuariassaatit, matumani angerlarsimaffimmi mattusimallutit, misissortillutit kiisalu eqqiluisaarnissaq eqqiaanissarlu annertuumik eqqumaffigalugit.

Akiuussutissat 100%-imik sunniuteqarsinnaannginnerat taamaattumillu akiuussusertinnikuugaluarluni COVID-19-imik tunillatsissinnaanermut suli annikitsumik aarlerinaateqarnera tamatumunnga pissutaavoq. Akiuussutissamik kapitinnikup nammineq ersiuteqanngikkaluarluni nappaateqarsinnaanera taamaalillunilu allanik tunillaassuisinnaaneranik akiuussutissamik kapitinnerup pinngitsoortitsisinnaanera aammattaaq suli uppernarsineqanngilaq