Inuit perulullutik napparsimalersinnaasut

Inuit pineqartut perulullutik napparsimalernissamut ernumanartumik inissisimapput taamaattumillu PCR-imik misissortittariaqarlutik tunillatsissimasumut qanillisimagunik. Qaqugukkut tunillatsisimasumut qanillisimasuunermut paasissutissat allat uani paasisaqarfigikkit.

  • Inuit 80-inik ukiullit utoqqaanerusulluunniit. Peqqissuuneq imaluunniit katsorsarneqarsinnaanngitsunik nappaateqarneq atugaqarnerlu apeqqutaanngilaq.
  • Inuit 65-it 79-illu akornanni ukiullit. Inuit peqqissut amerlasuut taamatut ukiullit perululersinnaanerusut akornanniinngillat, kisianni katsorsarneqarsinnaanngitsunik nappaatillit imaluunniit tarnikkut timikkulluunniit sanngiiffillit assigisaanilluunnit atugallit perululersinnaanerusut akornanniipput.
  • Inuit 65-it inorlugit ukiullit. Perululersinnaanerusut akornanniittut ikittuararsuupput, kisianni inuit taamatut ukiullit katsorsarneqarsinnaanngitsunik assigiinngitsunik nappaatillit, katsorsarneqarsinnaanngitsunik aqukkuminaatsunik nappaatillit, BMI 35-nik annerusumilluunniit oqimaappallaartut, aamma/imaluunniit timimi akiuussutissakinnerusut perululersinnaanerusut akornanniissorineqarput. Inuusunnerusut tassaniittut perululersinnaaneri annikinneruvoq.
  • Meeqqat inuusuttullu aalajangersimasut katsorsarneqarsinnaanngitsumik nappaatillit. Meeqqat inuusuttullu perululersinnaanerusut akornanniissinnaasut tassaakulanerupput meeqqat COVID-19-imik nappaalasoqalinnginnera sioqqullugu immikkut ittunik atugaqarnissamut maleruagassaqartut, ass. atuarfimmi/meeqqerivimmi immikkut atugaqartinneqartut. Meeqqanut taakkua immikkut ittumik ambulatoriaqartinneqartarput.
  • Utoqqaat illuini utoqqaallu ataatsimut najugaqarfiini najugallit. Paaqqutarinnittarfinni najugallit perululersinnaanerusut akornanniipput, taakkumi amerlanerit utoqqaapput katsorsarneqarsinnaanngitsunillu nappaateqarlutik, pisinnaasakinnerullutik peqqiinnerullutillu.
  • Naartusut. Naartusut naartunerat naarmiuallu eqqarsaatigalugit perululersinnaanerusut akornanniittutut isigineqarput.

Kingullermik nutarterneqarpoq