Tunngaviusumik atuarfinni, sunngiffimmi sammisaqartitsivinni ulluuneranilu paaqqinniffinni malittarisassat

Tunngaviusumik atuarfinni, sunngiffimmi sammisaqartitsivinni ulluuneranilu paaqqinniffinni il.il. meeqqat akornanni tuniluuttoqarnerani pasitsaassisoqartillugu malittarisassat:

  1. Inuit COVID-19-imut ersiutillit sapinngisamik piaarnerpaamik angerlarsimaffimmi mattutissapput misissortissallutillu.
  2. Inuit ersiutillit aaneqarsinnaalernissamik angerlartinneqarnissamilluunniit tungaanut meeqqanit/atuartunit/ilinniartunit  allanit aamma sulisunit avissaartinneqassapput, aammalu attorneqarsimasinnaasut (soorlu inimi atuaqatigiit atuarfianni issiavik, matut tigummivii, tummeqqat ajaperfii il.il., napparsimasup atorsimasinnaasai) eqqiarneqartariaqarput.
  3. PCR-imut misissortinnermi tunillatsittoqarsimanngitsoq paasineqarpat tuniluuttoqarneranik pasitsaassisimaneq atorunnaarsinneqarsinnaavoq.

Atuartut ilinniartitsisulluunniit akornanni tuniluuttoqartoq paasineqarpat, suliassaqarfimmut pineqartumut maleruagassat atuuttut naapertorlugit kommuni nakorsaaneqarfillu suleqatigalugit suleqatigiinnerup ingerlaqqinnissaa inissinneqassaaq.

Tunngaviusumik atuarfinnut ulluuneranilu paaqqinniffinnut atatillugu sulianik isumaginninnissamut tunngavissat:

  1. Ulluunerani paaqqinniffiit tunngaviusumillu atuarfiit meeqqanik/atuartunik tunillatsissimasunut imaluunniit tunillatsissimasunut qanillisimasunut isernissamut itigartitsisariaqarput.
  2. Atuartunik angerlartitsinissamut taarsiullugu misissuisoqarsinnaavoq, tamannalu arlaleriarluni pisinnaavoq. Misissortinnissamut piffissaliussanut suliami pineqartumi pissutsit apeqqutaassapput.
  3. Meeqqat COVID-19-imut ersiuteqanngippata aammalu angajoqqaat misissuisoqarnissaa kissaatiginngippassuk, meeqqat tunillatsissimasumut kingullermik attaveqarnerminniit ullut 14-it tikillugit angerlarsimaannarnissaat inassutigineqarpoq.
  4. Meeqqaamut tunillatsissimasumut qanillisimasumut angajoqqaatit ilaquttatulluunniit, imaluunniit najugaqateqartutut tunillaanaveersaarnissamut innersuussutit, tassungalu eqqiluisaarnissamut silaannarissartarnermullu innersuussutit ilanngullugit eqqumaffigilluarnissaasa saniatigut allanik iliuuseqartariaqanngilatit.