Suliffeqarfimmi malittarisassat

  • Suliffeqarfiit, ilinniarfiit il.il. inuit COVID-19-imik ersiuteqartut iseqqusaannginnerat pillugu ersarissumik allagartalersuisariaqarput, COVID-19-imillu ersiutilinnut sulisunut, atuartunut, ilinniartunut, pulaartunut il.il. ersarissunik periuseqartoqartariaqarpoq, tassungalu ilanngullugu angerlarsimaffimmi sulisarnerup/atuartarnerup aaqqissuunneqarsinnaaneranut tunngatillugu.
  • Nunatsinnut Nunatsinniillu kiisalu Nunatsinni timmisartumik angalanermi qanermut assiaqutit timmisartumi sulisunit atorneqartarput. Angalasunik ikiartortarfinni/aallariartortarfinni assigisaanniluunniit qanimut attaveqarlutik sullissisut qanermut kiinnamulluunniit assiaquteqassapput, sullissisut angalasullu akornanni plastikkimik assiaquteqarsinnaanngippat.