Naalakkersuisut Sisimiuni, Itillimi Sarfannguanilu imigassap inerteqqutaanera pingasunngorneq 18. august 2021 ilanngullugu sivitsorniarlugu aalajangerput.
Sapaatit akunneranni ataatsimi Sisimiuni tunillatsissimasut amerlangaatsiareersut, ullumi tunillatsissimasut isumalluarnermik pilersitsilaarnissamut tunngavissaqarput. Ullup unnuallu ataatsip kingulliup ingerlanerani tunillatsissimasut arfinillit paasineqarput.
Ullup unnuallu kingulliup ingerlanerani inuit 14-it Coronavirusimik tunillatsissimasut paasineqarpoq. Tunillatsissimasunit aqqanillit Sisimiuniipput, sinnerilu pingasut Aasianniit Nuummut angalaqqammerput.
Sapaatit akunneranni matumani 12 – 15-inik ukiulinnut akiuussutissanik kapuisoqarsinnaalerpoq. Ippassaq Nuummi siunnerfigineqartut 50%-ingajaat neqeroorummut akuersillutik kapitipput.
Ullup unnuallu kingulliup ingerlanerini inuit 20-t Coronavirusimik tunillatsissimasut nassaarineqarput. Tunillatsissimasunit arfineq pingasut Sisimiuniipput.
Sisimiuni nunaqarfiinilu marlunni, Sarfannguani Itillimilu imigassanik tuniniaanerit sassaallernerillu tamarmik erniinaartumik matuneqarput. Qeqqata Kommunianit imigassanik tuniniaanerup unitsinneqarnissaa kissaatigineqarmat, Inatsisartuni partiit siulittaasui isumasioqatigereerlugit Naalakkersuisut taamatut aalajangiipput.
Qaqortumi inuk Covid-19-imut misissortinnermini tuniluuttumit ilisimaneqanngitsumit tunillatsissimasoq paasineqarpoq. Tuniluunneq illoqarfimmi juulip aallartinneranili paasineqarmat tuniluuttoqarsimassasoq pasitsaanneqarpoq. Taamaattumik innuttaasut ersiutillit tamarmik misissortittariaqarput.
Suli neriniartarfimmut imerniartarfimmullu isissaguit, aaqqissuussinermut tamanit orninneqarsinnaasumut peqataassaguit timersoriassaguilluunniit kapitissimasussaavutit. Ippassaq Naalakkersuisut aalajangeereernerini maleruagassat 24. aggustip tungaanut atuukkallassapput. Maleruagassat nuna tamakkerlugu atuupput.
Kalaallit Nunaannut tikissaguit tamakkiisumik kapitissimasariaqarputit imaluunniit Kalaallit Nunaanni najugaqavissuusariaqarputit, Kalaallilluunniit Nunaannut nuuttussanngorsimasariaqarlutit.
Sisimiuni sapaatiummat aammalu ataasinngormat tunillatsissimasut nutaat katillugit arfineq-sisamat paasineqarput, taamaasillunilu illoqarfimmi tunillatsissimasut katillugit 37-inngorlutik. Taakkua saniatigut Kommuneqarfik Sermersuumi tunillatsissimasut marluk paasineqarput.
Showing 61 to 70 of 130 results