Inunnut paasissutissat pillugit politikki
COVID-19-imut akiuussutissamik kapitikkuit, COVID-19-imut akiuussutissamik kapitinnerit pillugu paasissutissat peqqinnissaqarfimmi journalernut, peqqissutsimut oqartussaasunit aqunneqartumut allanneqassapput. Peqqissutsimut Pinaveersaartitsinermullu Aqutsisoqarfik peqqinnissaqarfimmi journalinni paasissutissanut akisussaasuuvoq.
Paasissutissat kapitinninnut atatillugu nalunaarsorneqartut tassaasussaapput:
· Inuttut normut
· Atit
· Ullut kapitiffitit
· Akiuussutissamik tunisassiortoq
· Akiuussutissarpiaap batchnormua
Peqqinnissaqarfimmit sullinneqartut inatsisitigut inissisimaffiat pillugu Inatsisartut peqqussutaanni §§ 19-21 naapertorlugit akiuussutissamik kapitinninni killiffiit pillugit paasissutissinneqarnissamut pisinnaatitaaffeqarputit.
COVID-19 peqqutigalugu killilersuinernut atatillugu akiuussutissamik kapitinnerit pillugu paasissutissat ajornanngitsumik isumannaatsumillu uppernarsaatigisinnaanissaannut takutissinnaanissaannullu, Peqqissutsimut Pinaveersaartitsinermullu Aqutsisoqarfik Statens Serum Institut-imut isumaqatigiissuteqarpoq, innuttaasut kalaallit corona pillugu illilersuinernut, inuinnaat nappaatinut tuniluuttunut iliuuseqarnissaat pillugu Inatsiartut peqqussutaat naapertorlugit aalajangersarneqartunut atatillugu akiuussutissanik kapuinermi killiffimminnik uppernarsaaniarlutik danskit coronapas-iannik atuisinnaasut.
Peqqissutsimut Pinaveersaartitsinermullu Aqutsisoqarfiup paasissutissat matuma siuliani taaneqartut Danmarkimi Statens Serum Institut-imut nuuttarpai, tassanilu Statens Serum Institut-ip coronapas-imut app-eq aqqutigalugu paasissutissanik mobiltelefonernut ingerlatitseqqissinnaanissaa siunertarineqarpoq. Coronapas-it mobiltelefonerniittoq kimut takutissanerlugu nammineerlutit aalajangertussaavat.
Danmarkimut EU-milu nunanut allanut, Norgemut, Islandimut aamma Lichtensteinimut angalaninni akiuussutissanik kapuinermi killiffinnik uppernarsaasinnaanissavit, taamaalillutillu nunami innuttaasut kapitissimagunik pisinnaatitaaffiisa assinginik pisinnaatitaaffeqarnissavit qulakkeerneqarnissaa isumaqatigiissuteqarnermi siunertarineqarpoq.
Danskit coronapas-imut app-ianik aallernikkut Statens Serum Institut-ip mobiltelefonerni app-imiittunik aammalu illit pillutit paasissutissanik toqqorsisinnaanissaa nammineerlutit akuerisimasussaavat. Sukkulluunniit akuersinerit utertissinnaavat. Tamanna app-imi akuersininnik utertitsinikkut imaluunniit app-ip peerneratigut pissaaq. Tamanna app-imi sukumiinerusumik nassuiaatigineqarpoq.
Danskit coronapas-iannik peqaruit, app-i PCR-imut misissortissimanermut, Kalaallit Nunaannut tikinnissamut atugassannut uppernarsaatitut atorsinnaavat, aammalu Kastrup-imi mittarfimmi kapitissimanermut paasissutissanik Air Greenlandimut takutitsisussanngoruit atussallugu. Kalaallit Nunaannut tikinnissamut piumasaqaatit aalajangersimasut nittartakkami matumani quppernermi allami allassimapput.
Danskit coronapas-iannik atuinissat kissaatiginngikkukku, allatut iliorlutit PCR-imut misissortissimanerit uppernarsassavat aammalu akiuussutissamik kapitissimaninnut paasissutissiissallutit.
Maalaaruteqarnissamut ilitsersuut
Inuttut paasissutissaativit suliarineqarneri pillugit maalaaruteqarnissat kissaatigigukku, maalaarutit uunga nassiutissavat:
Peqqissutsimut Pinaveersaartitsinermullu Aqutsisoqarfik
Postboks 1001
3900 Nuuk
Imaluunniit uunga: sundhedsledelsen@peqqik.gl
Kingullermik nutarterneqarpoq