Coronapassimik pissarsiniarneq

Coronapas-it iserfigisinnaanngikkukku Corona pillugu Allattoqarfimmut allagit.

Akiuussusersuinermi naammassinnissimaguit app ’Coronapas’ imaluunniit sundhed.dk aqqutigalugu Coronapas-it pissarsiarisinnaalissavat.

COVID-19-imut akiuussuserneqarsimanermut Coronapas-it pissarsiarisinnaassagukku, piumasaqaataavoq:

  • Tamakkiisumik akiuussuserneqarsimanissat (Marloriarluni kapitissimagaanni (kisiannili Johnson&Johnson atorlugu akiuussusertinnermi ataasiarluni) aamma kapitinnermit kingullermiit ullut 14-it qaangiussimappata tamakkiisumik akiuussusertittoqarsimassaaq)

Coronapas-app akeqanngitsumik aaneqarsinnaavoq.

Tamakkiisumik akiuussusertissimaguit, tamatumalu kingorna piumasaqaatit matuma siuliani allassimasut sukkulluunniit naammassisinnaagukkit Coronapas – COVID_19-imut akiuussusiineq ukunani marluusuni pissarsiarisinnaalissavat:

  • Dk-mi – https://www.sundhed.dk/borger/min-side/corona/ NemID/MitID-t atorlugu
  • Imaluunniit Coronapas-app aqqutigalugu:
    • App Store-mi ‘Coronapas’ nassaariuk –Smartphone iOS-italik atorukku
    • Google Play-imi ‘Coronapas’ nassaariuk – Smartphone Android-italik atorukku

Malugiuk:
Smartphone-qanngikkuit www.sundhed.dk iserfigalugu Coronapas-it naqissinnaavat. Iserfiginiarlugu NemID imaluunniit MitID atussavat.

Akiuussusertinnermut paasissutissaatitit ullup unnuallu ingerlanerani arlaleriarlutik danskit oqartussaasuinut ingerlatinneqartarput, taamaattumillu akiuussusertinnerpit nalunaarsorneqarneraniit Coronapas-inni takuneqarsinnaalernissaata tungaanut ullut pingasuniit sisamanut ingerlasinnaapput.

Akiuussusertinnernut, siornatigut nammineerluni ingerlaannartumilluunniit nalunaarsorneqarsimasut eqqarsaatigalugit Coronapas-it iluarsitinniarukku allanngortinniarukkuluunniit Sullissivik aqqutigalugu saaffiginnissaatit, tassanilu booster-imik kapitinnerpit nalunaarsorneqarnissaanut qinnuteqaat immersussavat.

Malugalugu akiuussusertinnerit nalunaarsorneqarnerinut iluarsiinermiit nalunaarsukkat app-imi nittartakkamiluunniit ersilernissaannut sivikinnerpaamik nalunaaquttap akunneri 48-t ingerlasinnaammata.

Coronapas-imut app imaluunniit www.sundhed.dk aqqutigalugu Coronapas-it iserfigisinnaanngikkukku Corona pillugu Allattoqarfimmut saaffiginnissinnaavutit. Saaffiginnissutivit suliarineqarnerani ullut suliffiusut qulit ingerlasinnaaneri naatsorsuutigineqarpoq

Corona pillugu Aallattoqarfik
Imaneq 4
3900 Nuuk

Email: Corona@nanoq.gl
Telefon: +299 80 11 00
Hjemmeside: www.corona.nun.gl

Kingullermik nutarterneqarpoq