Coronapassi

Nunatsinni COVID-19-imut akiuussuserneqarsimasut maanna Coronapassimik pisaarsinnaalerput.

Coronapassi Nunatsinniit Danmarkimut imaluunniit Europamut aallartussanut COVID-19-imullu akiuussusersimanermut uppernarsaammik pisariaqartitsisunut pingaarnerusumik atugassiaavoq.

Danskit coronapassiat neriniartarfinnut, tusarnaartitsinernut, timersortarfinnut allarpassuarnullu Europami tamarmi isissutissatut atorneqarpoq. Nunat ilaannut tikinnermi coronapassi takutittussaavat.  Taamaattumillu Kalaallit Nunaanni tamanna qangali piumaneqalerpoq.

Akiuussutissamik kapitissimanerit pillugu paasissutissat aamma Danmarkimi PCR-imik misissortissimanivit inerneri Coronapassimiipput.

Danmarkimi innuttaasut coronapassiini paasissutissat tamakkiisumik ilaanngillat. Ilaatigut COVID-19-imik siornatigut tunillanneqarsimasut tunillanneqarsinnaannginnerat pillugu paasissutissat ilaanngillat.

Suna Takusinnaasat Takusinnaanngitsut
COVID-19-imut  akiuussutissinneqarsimaneq    X  
Danmarkimit PCR-imik misissortinnerit X  
Nunatsinnit PCR-imik misissortinnerit   X
Tunillanneqarsinnaannginneq   X

Danskit coronamut akiuussuserneqarsimanermut uppernarsaataat siullermeerluni akiuussuserneqarnermiit ullut 14-it 42-llu akornanni atuutilertarpoq. Coronamut akiuussuserneqarsimanermut uppernarsaat siullermik akiuussuserneqarsimanermi ullut 14-it kingornaniit ullut 42-at tikillugu atuutissaaq. Innuttaasut aappassaanik akiuussuserneqarnissaat ullut 42-t qaangiutinnginnerini pissasoq naatsorsuutigineqarpoq.

Coronamut tunngatillugu apeqqutissallit corona hotline oqa. nr. 801100 imaluunniit e-mail corona@nanoq.gl aqqutigalugit attaveqartassapput.