Nunatsinniit aallarneq

Nunarput qimallugu angalasoqassatillugu tamakkiisumik akiuussusersimanissamik imaluunniit tunillatsissimannginnermut uppernarsaammik takussutissamik piumasaqaateqartoqanngikkaluartoq, coronamut tunngasumik takussutissiinissaq pisariaqarsinnaasarpoq:

Atuuttunik malitassanik maleruaqqusanillu peqarsinnaavoq, tassunga ilanngullugu angalaninni nunami tikitanni coronamut tunngasumik takussutissiinissamik piumasaqaateqarneq. Nunanut allanut ministeeriaqarfiup angalanissamut ilitsersuutaata malinneqarnissaa aamma danskit allattorsimaffiannut ilanngunnissat innersuussutigineqarpoq. Paasissutissat annertunerusut uani atuarsinnaavatit

Kalaallit Nunaanni najugaqaruit, kiisalu sivikinnerpaamik ullut 14-it sivisunerpaamillu sapaatit akunneri aqqaneq-marluk iluanni COVID-19-imik tunillatsissimaguit, tamannalu pillugu PCR-imik misissortissimanerit uppernarsarsinnaagukku, taava tunillatsissimanermut uppernarsaammik piniarsinnaavutit. Tamanna pillugu uani paasisaqarnerugit.

Nunarput qimallugu angalanermi kingunipilugisinnaasai tassaapput:

• COVID-19-imik ersiuteqaruit aallariartorfinniit aallaqqusaassanngilatit

• Kommunip nunallu killeqarfiinik matusineq

• Nunanit allani misissortinnissamut inniminniineq

Danmarkimut tikinnermi piumasaqaatinik qaqugukkulluunniit atuuttunik malinninnissat nammineerlutit akisussaaffigivat. Annertunerusumik uani takusaqarit.

Danmarkimut tikikkuit sumiiffimmi malittarisassanik paasiniaagit.

Tuniluunnerup paasiniarnera

Danmarkimut angalaguit innersuussutigissavarput, smittestop-appen pissarsiareqqullugu, Danmarkimiinnerillu tamaat aamma Nunatsinnut utereerninni sivikinnerpaamik ullut 14-it ikumatissagit. App-eq uunga aasinnaavat: https://smittestop.dk

Danmarkimi misissortinnissamik inniminniigit

Misissortinnissamik nittartakkakkut inniminniiniaraanni inuttut normut oqartussanit nalunaarsorneqassaaq. Danmarkimi oqartussat coronahotlineanut uunga sianerit: (+45) 70 20 02 33

Danmarkimi sumiluunniit misissortinnissamik neqerooruteqarpoq. Pisortat misissuisarfiutaat akuerisaapput innersuunneqartarlutillu. Misissuisarfiit namminersortut ilaat akuerisaapput, akiliisitsisinnaasarlutilli, taannalu nammineq akilissavat.

Danmarkimi misissuisarfiit ujarsinnaavatit, una linki atorlugu: Test center DK

Eqqumaffigissavat, misissuisarfiit ilaannaat PCR-imik misissuisarmata.

Misissuisarfiit namminersortut

Airportdocter (www.airportdoctor.dk)

Falck, Københavns lufthavn https://www.cph.dk/praktisk/falck-corona-testcenter

Aleris-Hamlet (https://www.aleris-hamlet.dk/helbredsundersogelser/helbredsundersogelser2/coronatest/)
Aleris-Hamletimi misissortinneq akeqarpoq ulluinnarni tamaallaat ammasarluni

Amplexa Covid-19 Testcenter Odense:
Sverigesgade 11, 5000 Odense C
https://amplexa.dk/odense/
Mail: corona@amplexa.com; Tlf. 6611 6628

Apeqqutissaqarpit?

Apeqqutissaqaruit ikiortariaaguilluunniit attavissat corona-hotline:

Sianerit uunga 80 11 00
E-mailikkut uunga corona@nanoq.gl

Islandimut tikinnissamut piumasaqaatit sukkulluunniit atuuttut naammassisinnaanissaat nammineerlutit akisussaaffigaat.

Islandimi killilersuutit pillugit uani paasisaqarnerusinnaavutit:

Islandimut tikikkuit sumiiffimmi najoqqutassanik paasiniaanissat eqqaamassavattaaq.

Apeqqutissaqarpit?

Islandimi najoqqutassat malittarisassallu pillugit apeqqutissaqaruit, Islandimi oqartussanut saaffiginnissaatit. Siuliini nittartartakkani taaneqartuni attaviginissaannut paasissutissat nassaarisinnaavatit.

Kalaallit Nunaanni Coronahotlinep Islandimi najoqqutassat malittarisassallu pillugit apeqqutinik akissuteqarsinnaanngilaq.