Nunatsinniit aallarneq

Nunatsinniit aallarniarlutit aalajangeruit pilersaarut malillugu uternissat qulakkeerneqarsinnaassanngilaq. Aallarneq taamaalilluni nammineq akisussaaffigineqassaaq. Nunatsinnut angalanissanni siunertaa pingaarutilittut nassuiaasersimassavat.

Nunanut allanut tikiffinni maleruagassat atuuttut najoqqutassallu nammineq malissavatit. Nunanut allanut ministeeriaqarfiup angalanissamut ilitsersuutaata malinneqarnissaa aamma danskit allattorsimaffiannut ilanngunnissat innersuussutigineqarpoq.

Annertunerusumik uani takusaqarit (https://um.dk/)

Nunarput qimallugu angalanermi kingunipilugisinnaasai tassaapput:

• COVID-19-imik ersiuteqaruit aallariartorfinniit aallaqqusaassanngilatit

• Kommunip nunallu killeqarfiinik matusineq

• Nunanit allani misissortinnissamut inniminniineq

• Aallarnissaq sioqqulluarlugu misissortissimanermi akissutisineq

Danmarkimut tikikkuit sumiiffimmi malittarisassanik paasiniaagit. Danmarkimut tikinnermi piumasaqaatinik qaqugukkulluunniit atuuttunik malinninnissat nammineerlutit akisussaaffigivat.

Tuniluunnerup paasiniarnera

Danmarkimut angalaguit innersuussutigissavarput, smittestop-appen pissarsiareqqullugu, Danmarkimiinnerillu tamaat aamma Nunatsinnut utereerninni sivikinnerpaamik ullut 14-it ikumatissagit. App-eq uunga aasinnaavat: https://smittestop.dk

Danmarkimi misissortinnissamik inniminniigit

Danmarkimi sumiluunniit misissortinnissamik neqerooruteqarpoq. Pisortat misissuisarfiutaat akuerisaapput innersuunneqartarlutillu. Misissuisarfiit namminersortut ilaat akuerisaapput, akiliisitsisinnaasarlutilli, taannalu nammineq akilissavat.

Danmarkimi misissuisarfiit ujarsinnaavatit, una linki atorlugu: Test center DK

Eqqumaffigissavat, misissuisarfiit ilaannaat PCR-imik misissuisarmata.

Apeqqutissaqarpit?

Apeqqutissaqaruit ikiortariaaguilluunniit attavissat:

• Corona-hotline-mut sianerit uunga 80 11 00

• E-mailikkut uunga corona@nanoq.gl