Kalaallit Nunaata iluani angalaneq

Innuttaasunut illoqarfimmiit nunaqarfimmiilluunniit nunatta iluani piffimmut allamut angalasut *tamakkiisumik akiuussuserneqarsimasariaqarput imaluunniit akunnerit 48-runik sivisunerunngitsumik pisoqaassusilimmik PCR-test negativiusumik takutitseqqaartariaqarput.

Angalasut malittarisassanik eqquutsitsinissaat angallassisutinik piginnittut qulakkeerinnittussaatitaapput.

Innuttaasut akiuussuserneqarsimanngitsut, illoqarfimmiit nunaqarfimmiilluunniit angalasut, misissortinnissamullu periarfissaqanngitsut, tikinnermiit ullut 14-it angerlarsimaannaassapput, imaluunniit negativimik testertinnissaata tungaanut. Tikiffimmi misissortissinnaanngikkaanni angerlarsimaannaqqusaaneq sivisussusaa ullut 14-iupput.

Innuttaasut angerlarsimaannaqqusaasut aaqqissuussanut katerisimaarnernullu peqataaqqusaanngillat. Misissortikkiartorsinnaapput kiisalu ulluinnarni pisariaqavissunik atortussanik pisiniarsinnaatitaallutik, pisiniarnermilu qanermut imaluunniit kiinnamut assiaqutit atorneqassapput.

Meeqqat ukiut marluk inorlugit ukiullit misissortittariaqanngillat.

Sapaatit akunneri 12-t iluanni COVID-19-imik tunillatsissimaguit, tamannalu uppernarsarsinnaallugu, taava akiuussuserneqarsimasunut maleruagassat ilinnut aamma atuupput.

Angallatit aaqqissuuteriikkamik angalasut

Kalaallit Nunaanni tamarmi aaqqissuuteriikkamik angallatit angalasut ilaaffigigaanni ilaanermi qanermut assiaquteqartoqartassaaq.

Kalaallit Nunaata iluani angalaneq

Piffimmiit misissortinnissamut periarfissalimmiit angalasoq
Angalaneq
Piffimmiit misissortinnissamut periarfissaqanngitsumiit angalasoq
Angalaneq
Piffimmiit misissortinnissamut periarfissalimmiit angalasoq
Misissortissimanissamik piumasaqaateqarneq (<48 tiimit)
Piffimmiit misissortinnissamut periarfissaqanngitsumiit angalasoq
Tikinnermi mattusimanissaq

*Tamakkiisumik akiuussusertissimasoq: tamakkiisumik akiuussusertissimanissaq, assersuutigalugu akiuussutissamik Pfizer-imik imaluunniit Moderna-mik marloriarluni imaluunniit akiuussutissamik Johnson&Johnson-inik ataasiarluni kapitissimasut tamakkiisumik akuussusertissimasutut nalilerneqartarpoq. Tamakkiisumik akiuussutersimanermiit piffissap qanoq sivisutigisumik ingerlasimaneranik maannakkuugallartoq killeqartitsisoqanngilaq. Tassa maannakkuugallartoq pingajussaanik kapitissimanissamut piumasaqaateqartoqanngilaq.

Siusinnerusukkut tunillatsissimasoq: Ilaannakortumik akiuussuserneqarsimasut imaluunniit akiuussuserneqarsimanngitsut, COVID-19-imik tunillatsissimanissaq aamma PCR-imik misissortinnerminnit ulluni 14-iniit sap. ak. 12-ini nutaanngitsigisumi uppernarsaammik takutitsisinnaanissaq.

Piffiit misissuiffiusinnaasut: Nuuk

Kingullermik nutarterneqarpoq