Kalaallit Nunaata iluani angalaneq

Kalaallit Nunaanni tamarmi aaqqissuuteriikkamik angallatit angalasut ilaaffigigaanni ilaanermi qanermut assiaquteqartoqartassaaq.

Sinerissami ilaasartaat Sarfaq Ittuk taamaallaat tamakkiisumik akiuussuserneqarsimasunit ilaaffigineqarsinnaavoq. Taarsiiffigitinnissamik periarfissaqanngilaq.

Tamakkiisumik akiuussuserneqarsimanngikkuit Sisimiuniit Nuummiilluunniit angalallutit taava ulluni tallimani anissanngilatit aamma Kalaallit Nunaanni tikiffinnut apuukkuit COVID-19-imut misissortissaatit. Ullut tallimassaanni imaluunniit allarnerpit kingornatigut misissortissaatit, misissortinnerillu negativiuppat tunillanneqarsimanngitsutut naatsorsuunneqassaatit. Ullut tallimassaanni misissortinngikkuit taava sivikinnerpaamik ulluni 14-ini ataannavissumik illoqarfimmi tassaniissimassaatit illoqarfimmut allamut aallaqqinnginninni.

Akiuussuserneqarsimanissamik piumasaqaat meeqqanut ataatsiniit aqqanillit ilanngullugit ukiulinnut atuutinngilaq.

Akiuussuserneqarsimanissamik piumasaqaat inunnut atuutinngilaq, Nunatta Nakorsaaneqarfianiit nalilerneqarpat akiuussuserneqassanngitsut.

Coronatest positiviusoq, ullut 14-iniit sapaatit akunneri 12-nut pisoqaassusilik, uppernarsaatitut atorneqarsinnaavoq.