Kalaallit Nunaannut angalanissat sioqqullugu

26. januaari 2022-miit Kalaallit Nunaannut tikinnissamut PCR-imik misissuinermi tunillatsissimannginnermut uppernarsaammik takutitsinissaq piumasaqaataajunnaarpoq.

Tikinnissamut malittarisassani akiuussusersuinerit tamakkerneqarsimappata, soorlu Pfizer imaluunniit Moderna atorlugu marloriarluni kapitittoqarsimappat, imaluunniit Johnson&Johnson atorlugu ataasiarluni kapitittoqarsimappat, ullut 14-it qaangiuppata taava tamakkiisumik akiuussuserneqarsimasutut isigineqartoqalissaaq. 

Misissortinnivit takutippagu tunillatsissimasutit ima iliussaatit:

  • Mittarfeqarfimmukassanngilatit
  • Peqqissinissavit, taamaasillutillu angalaqatinnut tunillaanissannut uloriarnartorsiutitsiunnaarnissavit tungaanut Kalaallit Nunaannut angalassanngilatit. Misissorneqarnerit positiviusimappat, kisiannilu ersiuteqarnak, taava misissorneqarnermiit siusinnerpaamik ullut sisimat qaangiutereerpata aatsaat aallassaatit.
  • COVID-19-mik tunillatsissimanermi piffimmi maleruaqquneqartut malissavatit
  • Immikkut aningaasartuuteqartoqassappat taakku nammineq akilissavatit

Air Greenlandip billetsimik allanngortitsinissamut utertitsinissamulluunniit neqerooruteqarnera atorunnaarpoq, maleruagassallu billetsinut tunngasut nalinginnaasut innersuullugit.

COVID-19-imut tunillanneqarsimanermut ersiuteqaruit mittarfiliannginnissat pingaaruteqarpoq. Ersiuteqaruit anisarfimmi itigartitaassaatit. Tamanna pillugu uani paasisaqarnerugit “Nappaammut ersiuteqaruit”.

Air Greenlandip nunatsinni timmisartuussinerani piumasaqaataanngilaq qanermut assiaquteqarnissaq. Kisianni angalasut tamarmik 12-niik ukiulinniik nammineq pigisamik qanermut imaluunniit kiinnamut assiaquteqarnisaat oqartussanit siunnersuutigineqarpoq.

Kingullermik nutarterneqarpoq