airplanebooksbriefcase business cogs cross election entertainment fish house law lockmedicalpeopleselfservices socialtax

Ilaqutariinnut meerartalinnut apeqqutit akissutillu

Meeqqat ersinerallu

Meeqqat qanoq oqarfigissavakka?
Meeqqat paasisinnaasaannik ernumassutit pillugit oqaloqatigisigit nassuiaallugit sooq maanna nalinginnaasumit malittarisassavut amerlanerulersimanersut pillugit. Inuit amerlanersaasa coronavirusimit tunillatsittut napparsimaneq sakkukitsumik misigissavaat. Utoqqaagaanni nappaateqareeraanniluunniit tamanna peruluutinngorsinnaavoq. Taamaattoq pitsaasumik peqqinnissaqarfeqarpugut pikkorissunik nakorsaqarluta, inuit peqqissinissaannut ikiuuttussanik. Meeqqat annerulaarsimappata meeqqanut nutaarsiassanik isiginnaaqatigineqarsinnaapput taakkulu pillugit oqaloqatigineqassallutik.

Malittarisassat malinneqanngippata qanoq pisoqarsinnaanera pillugu meeqqat qanoq oqarfigissavakka?
Sooq illersuuteqartariaqarnersoq qanorlu illersuuteqartoqarsinnaanersoq oqaloqatigisigit.

Meeqqat eqqiluisaarnissarlu

Qanoq akulikitsigisumik qaqugukkullu errortortassappat?
Akulikitsumik – pitsaasuussaaq angerlarsimaffimmit anilernermi isernermilu aamma nerinnginnermi tamatigut errortortarnissaq.

Meeqqakka qanoq akulikitsigisumik inertertassavakka (assersuutigalugu sorlumminnik passussinnginnissaannut, uffartarnissaannut, imminnut attortannginnissaannut tunngasut)?
Errortortarnissamut tallimullu tangajortarnissamik/quersortarnissamik siunnersuutit nalinginnaasut malissigit.

Meeqqat assaasa errortornissaat paarisarnissaallu

Meeqqat ilaasa assaat qajannartuupput, taamaattumik assaat errortukulanissaannut atatillugu mianersortumik ileqqoqarnissaq pingaaruteqarpoq.

Assaat eqqortumik errortorat 45-60 sekundinik sivisussuseqartarpoq, tassa assaat qaqorsaammik 15-20 sekundit missaanni errortorneqassapput, qaqorsaatillu peernissaanut imermik kuutsitsivigineqassallutik kingornalu allarterneqassallutik.

Assaat errortukulagaanni ameq panertarpoq. Taamaammat meeqqat tarngummik isugutsersaammik akulikitsumik atuisariaqarput, ajornanngippat errortoreernerit tamaasa – pingaartumik meeqqap assai panertooreerpata.

Periuseq:

  • Assaat imermik kissartumik uunanngitsumilli errortukkit
  • Assaat qaqorsaasinnginneranni masatserneqassapput
  • Assaat qaqorsaataarutsillugit kuutsitsivigilluakkit (meeqqat amerlasuut assammik tunui qaqorsaataajarluanngitsoortarpaat)
  • Assaat errortoreerukkit panersikkit
  • Assat paninnginniassammata tarngut panertoornaveeqqutilik tipigissaatitaqanngitsoq atoruk

Meeqqat angajoqqaallu napparsimasut

Coronavirusimik napparsimavunga meeraralugu paarisinnaanagu. Qanoq iliussaanga?
Ajornanngippat ikinngutit ilaquttat allalluunniit ikiuukkusuttut ikiortigikkit.

Meerara coronavirusimik ersiuteqarpoq. Qanoq oqaloqatigiissutigissavarput?
Ernumassuteqaataalersinnaasut oqaluuserinissaat pingaaruteqarpoq. Tunillatsittut amerlanersaasa sakkukitsumik tamanna malugissavaat. Utoqqarnulli nappaateqareersunullu tamanna peruluutaalersinnaavoq.

Meeqqat napparsimarpasinngikkaluarlutik tunillaasinnaappat?
Amerlanernik ersiuteqaraanni tunillaassuisinnaaneq sakkortunerusarpoq. Meeqqat ersiuteqanngikkunik tunillaassuisinnaanerat immikkut pisoqarnerani aatsaat pisinnaavoq.

Ilanngutassiat Unicef.gl-imiittut atuarsinnaasatit
Linkit unicef.gl-imut ingerlateqqissavaatsit
Coronavirusi pillugu meeqqat imatut oqaloqatigissavat (Danskisut allassimavoq)

Nappaat coronavirusi (COVID-19): Angajoqqaat ilisimasariaqagaat
Imatut imminut illersorsinnaavutit, meeqqatillu imatut illersorsinnaavatit

Ilinniartitsisut perorsaasullu coronavirusi (COVID-19) pillugu meeqqat qanoq oqaloqatigissavaat
Meeqqatit eqqissisarniarlugit illersorniarlugillu ukiuinut naapertuuttumik oqaloqatiginninnissamut siunnersuutit

Assavit asannissaannut coronavirusimullu (COVID-19) imminut illersorniarlutit ilisimasariaqakkatit tamaasa
Assavit asattarnerisigut imminut illersorlutillu asasatit illersorsinnaavatit

Meeqqat qanermut assiaquteqassappat?

Meeqqat qanermut assiaquteqassappata qanermut assiaqutip eqqortumik atornissaanut meeqqap paasinninnissaa pisariaqarpoq. Qanermut assiaqutip meeqqap kiinaani qasungavallaannginnissaa meeqqallu qanermut assiaqutip atisinnaanissaa peersinnaanissaalu pingaaruteqarput. Meeqqat taakkua tassaanerussapput meeqqat atuarfianni atualereersimasut.

Meeraaqqat inoorlaallu qanermut assiaquteqassanngillat.

Meeraaqqat – qanermut assiaquteqarsinnaanngitsut – assaasa eqqiluitsuunissaannik ikiorsinnaavatit COVID-19-imillu ersiuteqarnerannik nakkutigalugit.

Nutarterneqarpoq: 16. marts 2021