airplanebooksbriefcase business cogs cross election entertainment fish house law lockmedicalpeopleselfservices socialtax

Tunillatsissimasumut qanillisimaguit

Tunillatsissimasumut qanillisimaguit tunillatsissimasinnaanerit ilisimanaateqarpoq, taamaattumillu uatsinni ”tunillatsissimasumut qanillisimasutut” taaneqarsinnaallutit.
Tunillatsissimasumut qanillisimaneq suua?

Tunillatsissimasumut qanissisimassaatit piffissap ilaani tunillatsissimasoq qanillisimagukku:

  • Tunillatsissimasoq ersiutilik: Inuup ersiuteqalernissaanit 48 tiimit sioqqullugit, ersiutaarunneratalu kingornagut 72 tiimit suli qaangersimanngippagit.
  • Tunillatsissimasoq ersiuteqanngitsoq: Inuup misissortinnissaa 48 tiiminik sioqqullugu ullullu qulit qaangiutsinnagit.

Piffissani taakkunani inuk tunillatsissimasoq qanillisimanngikkukku qanillisimasutut nalilerneqassanngilatit qanorlu iliuuseqartussaanak.

Piffissalli taaneqartut ilaanni tunillatsissimasoq qanillisimagukku matumalu ataani taaneqartut ilaat ataaseq eqquutitissimagukku qanillisimasutut nalilerneqassaatit:
  • Tunillatsissimasumik najugaqateqarputit.
  • Tunillatsissimasoq timikkut attorsimavat (ass. eqitaarnikkut), imaluunniit illersuuteqarnak tunillatsissimasup timiminit anitai (ass. tunillatsissimasumit quersorfigitinnikkut tangajorfigitissimanikkulluunniit imaluunniit tunillatsissimasup kakkissarfiata qanermulluunniit assiaqutaata attorneratigut il.il.) attorsimavatit.
  • Minutsinit 15-init sivisunerusumik tunillatsissimasoq 2 meterit iluanni qanilleqqasimagukku (ass. oqaloqatigiinnermi).
  • Sammisat uku ilaanni, tunillatsinnissamut ilimanaatip annertusiffiani, tunillatsissimasoq 2 meterit iluanni ilagisimagukku:
    • Pisut sakkortuumik anersaartorfiusut, ass. erinarsorneq, nipituumik oqalunneq suaartarnerlu.
    • Sammisat timikkut assoroornartut, soorlu timigissarneq imaluunniit yoga.
    • Inimi matoqqasumi silaannarissarluagaanngitsumi isersimaneq.

Qanillisaqarsimasut ima nalunaarfigineqarajupput
  • Corona pillugu allattoqarfimmit, tunillatsissimasumut qanillisimasunik paasiniaanermik suliaqartunit, sianerfigineqarnikkut.

Qanillisaqarsimasutut qanoq iliuuseqassavit

Misissorneqartinnak tunillatsissimanerlutit paasisaqarfigisinnaanngilat. Taamaattumik qanillisaqarsimaguit tunillatsissimasutullusooq iliuuseqassaatit matuma ataaniittut malillugit:

  1. Imminut mattusimalersigit, aamma tamakkiisumik akiuussusertissimagaluaruilluunniit.
  2. Eqqiluisaarneq eqqiaanerlu eqqumaffigilluassavatit.
  3. Tunillatsissimasumut kingullermeerlutit qanillisimaninnit ullut arfineq-marluk qaangiunneratigut PCR-imut misissortinnissat isumagissavat. Aatsaat tunillatsissimanngitsutit misissuinikkut paasineqarpat mattusimanerit unitsissinnaanngussavat.
    Ullut arfineq-marluk sioqqullugit misissortissimaguit akissutisiassat eqqunngitsuusinnaavoq, tassa imaappoq tunillatsissimagaluarlutit tunillatsissimanngitsutut nalilertoorneqarsinnaavutit.

Qanillisaqarsimasutut misissortinnissamut qanoq iliorlutit piffissamik inniminniissavit

Corona pillugu allattoqarfiup peqqinnissaqarfiulluunniit tunillatsissimasumut kingullermeerlutit qanillisimaninnit ullut arfineq-aappaanni misissortinnissamut piffissalissavaatit.

Akiuussuserneqarsimagaluarlutit qanillisaqarsimallutit paasigukku qanoq iliussavit

Akiuussusertissimagaluaruilluunniit akiuussusertissimannginnerpit nalaanisulli innersuussutit malissavatit. Tassa tunillatsissimasumut kingullermeerlutit qanillisimanerpit kingornagut ullut arfineq-aappaanni misissortinnissat isumagissavat, qanillisimasutullu paasisaqarnerpit kingornagut misissortinnerpit tunillatsissimanngitsutit takussutissiinissaata tungaanut imminut mattusimatissallutit.

Tamanna akiuussutissat 100 procentimik sunniuteqannginnerannik pissuteqarpoq, taamaattumillu tamakkiisumik akiuussusertissimagaluaraanniluunniit COVID-19-imik tunillatsissinnaaneq napparsimasinnaanerlu annikitsumik ilimanaateqarpoq. Tamatuma saniatigut akiuussutissap akiuussusertissimasup tunillatsereernermigut ersiuteqanngikkaluarluni allanik tunillaasinnaanera pinaveersaartissinnaaneraa suli uppernarsarneqarsimanngilaq.

Aamma atuarsinnaavatit
Nutarterneqarpoq: 29. marts 2021