airplanebooksbriefcase business cogs cross election entertainment fish house law lockmedicalpeopleselfservices socialtax

Angerlarsimalluni mattusimaneq

Angerlarsimaffimmi mattusimanissami siunertaavoq inuit angerlarsimaffiup avataaniittut najugaqatigisallu tunillanneqarnissaasa pinngitsoortinniarneqarnerat.
Qaqugukkut angerlarsimalluni mattusimasoqartarpa?

Angerlarsimallutit mattusimassaatit:

  • COVID-19-imik tunillatsissimaguit, kisianni peqqissutsit eqqarsaatigalugu angerlarsimaannarsinnaarpasikkuit.


COVID-19-imut ersiutaasut” uani atuarsinnaavatit

Angerlarsimalluni mattusimaneq qanoq isumaqarpa?

Angerlarsimalluni mattusimaneq isumaqarpoq angerlarsimassasutit, najugaqatitit qanillissanngikkitit, angerlarsimaffiillu qimassanngikkit.

Tassa imaappoq:

  • Angerlarsimaffigisat qimassanngilat
  • Najugaqatigisatit attussanngilatit
  • Immikkut sinittarfeqassaatit
  • Periarfissaappat immikkut perusuersartarfeqarlutillu uffarfeqassaatit
  • Katsorsaruminaatsumik nappaateqalersinnaasunik najugaqateqassanngilatit
  • Najugaqatitit angerlarsimalluni mattusimanissamut akuersissuteqarsimassapput


Angerlarsimallutit mattusimanerpit nalaani nappaammut ersiutit ajorseriaateqarnersut eqqumaffigissavatit.

Taamaassagaluarpat najukkanni peqqinnissaqarfik oqarasuaatikkut attaveqarfigissavat

Nappaatip tuniluunnissaanik pinaveersaartitsinermut innersuussutit
  • Najugaqatitit qanillissanngilatit
  • Najugaqatitit inimeeqatigigukkit qanermut assiaquteqarit
  • Immikkut sinittarfeqarlutit sinigit
  • Periarfissaappat immikkut uffarfeqarlutillu perusuersartarfeqarit
  • Kisivit atugassannik allaruteqarit
  • Kakkissarfimmut tallivilluunniit peqittarfiata nalaanut quersorlutilluunniit tangajortarit.
  • Akulikitsumik assatit errortortakkit
  • Tamatigut errortortarit:
    • quersoreeraangavit/tangajoreeraangavit
    • kakkissarfimmik atuereeraangavit
    • perusuersartarfimmeereeraangavit
    • nerileraangavit

Eqqiaaneq errorsinerlu
  • Ullut tamaasa perusuersartarfimmik/uffarfimmik igaffimmillu kiisalu napparsimasup inimik isersimaffigisartagaanik eqqiaanermi nalinginnaasumik qaqorsaatigineqartartut atorlugit eqqiaasarnissaq innersuussutigineqarpoq.
    Ataatsimoorussanik perusuersartarfeqarlunilu uffarfeqarsimappat tunillatsissimasup atorsimasani nammineq eqqiartassavai.
  • Allarutit, oqorutit qalii iluatigullu atisat minnerpaamik 80 °C-imi errorneqartassapput. Atisat allat sapinngisamik minnerpaamik 60 °C-imi errorneqartassapput.

Eqqagassalerineq
  • Eqqakkat nalinginnaasumik poorneqartassapput passunneqarlutillu.
  • Eqqakkanik passussereernerup kingorna assaat errortorneqartassapput.
  • Eqqakkat isumaqatigiissut malillugu ikiorteqarluni assartorneqartassapput.

Angerlarsimalluni mattusimajunnaarneq

Peqqinnissaqarfimmit peqqissisimasutit nalunaarutigineqarpat angerlarsimallutit mattusimanerit unissaaq.

COVID-19 sakkukitsumik/akunnattumik sakkortussusilimmik atorsimagukku peqqissisimasutut nalunaarutigineqassaatit:

  • Kissarneqarninnit nappaammullu ersiuteqarninnit ullut unnuallu pingasut qaangiuppata, aamma
  • nappaammut ersiuteqaleqqaarninnit ullut unnuallu qulit qaangiuppata, imaluunniit
  • 24 tiiminik akunnilinnik marloriarlutit PCR-imut misissortinnerput tunillatsissimanngitsutit takutippassuk

Timit akiuussutissakippat peqqissisimasutut nalunaarutigineqassaatit:
  • Kissarneqarninnit nappaammullu ersiuteqarninnit ullut unnuallu pingasut qaangiuppata, aamma
  • nappaammut ersiuteqaleqqaarninnit ullut unnuallu 20-t qaangiuppata, imaluunniit
  • 24 tiiminik akunnilinnik marloriarlutit PCR-imut misissortinnerpit tunillatsissimanngitsutit takutippassuk

COVID-19-imik tunillatsissimaguit nappaammulli ersiuteqarnak peqqissisimasutut nalunaarutigineqassaatit:
  • Misissortinninnit ullut unnuallu qulit qaangiuppata.

Aamma atuarsinnaavat
Nutarterneqarpoq: 16. marts 2021