airplanebooksbriefcase business cogs cross election entertainment fish house law lockmedicalpeopleselfservices socialtax

Coronavirusimut nutaamut misilitsinneq

Coronavirusimut nutaamut misilitsissutit assigiinngitsut arlaliupput. Misilitsinnerup inernera misilitsiffiup nalaanuinnaq takussutissaavoq, taamaattumillu pingaartuuvoq tunillatsinnissamut pinaveersaartitsinermut innersuussutit malissagitit, misilitsinnermi akissut qanorluunniit ittuugaluarpat.
Misileeriaatsinik assigiinngitsunik allaaserinninneq

 

PCR-imik misilitsissut

Antigenimik misiliineq

Akiuussutissanik misiliineq

Siunertaq

PCR-imik misilitsissutip takutippaa coronavirusip nutaap RNA-va, virusillu sananeqaataa minneq ataaseq nuammi takutissinnaallugu.

Antigenimik misiliinerup virusip proteinitaa takutippaa misiliinermi immunkemiskiusumi.

Akiuussutissanik misiliinerup coronavirusimut nutaamut akiuussutissanik takutitsisinnaavoq.

Malussarissusaa

Misiliineq malussarissuuvoq tatiginartutullu nalilerneqarluni.

Misiliineq PCR-imit malussajannginneruvoq, tunillatsissimanerlu qularnaatsumik takutissinnaanagu.

Suli ilisimaneqanngilaq aseruuttoornerup kingorna qanoq sivisutigisumik akiuussutissanik uuttuisoqarsinnaanersoq.

Suliarineqarnera

Misiliineq toqqusaamit imaluunniit sorlummit tigusinikkut ingerlanneqartarpoq.

Misiliineq sorlummi tigusinikkut ingerlanneqartarpoq.

Misiliineq aaviinikkut ingerlanneqartarpoq.

Atorneqarnera

Misiliineq taanna Kalaallit Nunaanni peqqinnissaqarfimmi atorneqarpoq.

Misiliineq taanna PCR-imik misiliinermut tapertaasutut atorneqartarpoq peqqissaavinni PCR-imik misiliinermik misissuiffissaqanngitsuni.

Misiliineq taanna Kalaallit Nunaanni peqqinnissaqarfimmi atorneqarneqarneq ajorpoq, immikkut ittumik misissugassat eqqaassanngikkaanni.

1. PCR-imik misiliineq

PCR misileeriaasiuvoq malussarissorujussuaq, coronavirusip nutaap RNA-vanik takutitsisoq. Misiliineq ingerlanneqartarpoq toqqusaamit imaluunniit sorlummit tigusinikkut.

Misiliineq taanna qularnaannerpaamik paasisaqarfiusarpoq. Misilitsinnerup inernera misilitsiffiup nalaanuinnaq takussutissaavoq, taamaattumillu pingaartuuvoq tunillatsinnissamut pinaveersaartitsinermut innersuussutit malissagitit, misilitsinnermi akissut tunillatsissimannginnermik ersersitsigaluarpalluunniit.

PCR-imik misiliineq tamatigut atorneqartariaqarpoq imaappat

  • COVID-19-imut ersiutaasunik peqaruit
  • Qanittumik attaveqarfiuguit
  • Kalaallit Nunaannut tikinnermiit ullut tallimassaanni


SSI-p nittartagaani PCR-imik misiliineq pillugu sukumiinerusumik atuarsinnaavutit.

2. Sukkasuumik misiliineq

Sukkasuumik misiliinerup (aamma taaneqartartup ilaatigut antigentest, kviktest imaluunniit lyntest) virusproteinit nalunaartarpai kemiskiusumik misiliinikkut sorlukkullu tigusinikkut misiliguteqartarluni. Sukkasuumik misiliineq PCR-imik misiliinertut malussaritsiginngilaq taamaattumillu taassumatut qularnaatsigisumik angusaqarsinnaanani.

Akerlianilli minutsit 15-it ingerlaneranni inernera takuneqarsinnaavoq taamaattumillu tunillaassornerit sukkanerusumik unitsinnissaannut periarfissiilluni. Sukkasuumik misilitsinneq atorneqartariaqanngilaq ersiutaasunik peqaruit imaluunniit tunillatsissimasumut qanimut attaveqaruit.

Pisuni aalajangersimasuni soorlu sukkasuumik akissutisinissamik pingaarutilimmi, assersuutigalugu sukkasuumik tunillaasumik paasiniaanermi, sukkasuumik misilitsittoqarsinnaavoq PCR-imik misiliineq ilutigalugu.

Misissortikkasuarneq PCR-imik misissortinnertulli misissortinnerup nalaaniinnaq takussutissaasinnaasunik takussutissiisarpoq, taamaattumillu pingaartuuvoq tunillatsinnissamut pinaveersaartitsinermut innersuussutit malissagitit, misilitsinnermi akissut tunillatsissimannginnermik ersersitsigaluarpalluunniit.

3. Akiuussutissamik misiliineq

Nalunngilarput virusit amerlanerpaat anersaartuutini qutsinnerusuni aseruuttoortitsisartut - ass. nuallunneq coronavirusillu allat – piffissap ingerlanerani tunillaanneqarnissamut illersuutissaqalersitsisartut. Virusimit aattortissinnaanngikkaanni tunillatseqqittoqarsinnaanngilaq.

Massakkorpiaq ilisimasat ilimanarsitippaat inuit amerlanerpaat ajorunnaarnermik kingornatigut COVID-19-imut tunillanneqarsinnaannginnermik peqalersartut. Misileeriaatsit ineriartortinneqarsimapput aammi coronavirusimut akiuussutissanik peqalersimanermut takutitsisinnaasunik. Akiuussutissat tassaapput timip nammineq virusimut illersorniarluni pilersittagai.

Ajoraluartumilli ilisimanngilarput akiuussutissat tunillaassuinermut nutaamut illersuutaanersut, imaluunniit ajorunnaareernerup kingornatigut qanoq sivisutigisumik tunillanneqarsinnaannginneq atuunnersoq. Taamaattumik akiuussutissamik misiliinerup tunillanneqaqqissinnaaneq takutissinnaanngilaa.

Kalaallit Nunaanni peqqinnissaqarfik taamaallaat misissuinerni immikkorluinnaq ittuni akiuussutissanik misiliisarpoq.

Nutarterneqarpoq: 23. marts 2021