airplanebooksbriefcase business cogs cross election entertainment fish house law lockmedicalpeopleselfservices socialtax

COVID-19-imut ersiutaasut

COVID-19-imut ersiutaasut anersaartuutitigut aseruuttoornerit nalunngisatta ersiutaannut assingupput, ass. nuannermi nuallunnermilu.
Ataatsimut isigalugu

Ataatsimut isigalugu COVID-19-imut ersiutaasut anersaartuutitigut aseruuttoornerit allat ersiutaannut assingupput, ass. nuannermi nuallunnermilu. Ilisarnaataavoq ersiutaasut sakkukitsumik aallartittarmata.

Ersiutaasut ilisarnartut

Ersiutaasut ilisarnartut tassaapput:

  • Kissarneqarneq
  • Panertumik quersorneq
  • Anertikkarneq
  • Qasoqqaneq
  • Mamassutsinik tipinillu malugisaarunneq
  • Nukitsigut/ujallutigut anniaateqarneq (ilaasa taasarpaat saannerineq)
  • Toqqusaarlunneq


Ilaasa ersiutaasut allat misigisarpaat, soorlu ass. meriannguneq meriarnerlu.

Ersiutaasut inummiit inummut allanngorarsinnaapput ersiutaasullu, ass. kissarneqarneq kissarneqannginnerluunniit COVID-19-innginnermut uppernarsaataasinnaanngillat.

Ersiutaasut ataatsimut isigalugit
Ataani takussutissiami 1-imi ersiutaasut nalinginnaanerpaat nalinginnaannginnerit ilanngullugit takuneqarsinnaapput. Ersiutaasut tamarmik nalunaarsuuteqartarput inunni qanoq akulikitsigisumik coronavirusimik nutaamik takuneqarsinnaanerinik:

Ersiutaasut nalinginnaanerpaat

Qanoq akulikitsigisumik takussaappat?

Paasissutissat allat

Kissarneqarneq

77%

Meeqqat kissarneqanngitsoorsinnaapput, imaluunniit sakkukitsuinnarmik

Panertumik quersorneq

68%

Meeqqani nalinginnaavallaangilaq, naalungiarsunnili nalinginnaaqaluni. Inersimasuni quersorneq ersiutit siullit takkunneriit sapaatit akunnerini arlalinni sivisussuseqartarpoq.

Anertikkarneq

38%

Ersiutaasut siulliit takkunneriniit nalinginnaasumik ullut 5-8 qaangiukkaangata anertikkarneq aallartittarpoq

Ersiutaasut nalinginnaannginnerusut

Qanoq akulikitsigisumik takussaappat?

Paasissutissat allat

Mamassutsinik tipinillu malugisaarunneq

41%

Amerlanerpaat sapaatip akunneri sisamat ingerlaneranni malugisaqaqqilertarput

Qasoqqaneq

30%

Qasoqqaneq qasoqqarujussuarnerlu inuit ilaanni malunnartaqaaq sivisusinnaallunilu

Sakissakkut naqinneqartutut misigineq

23%

Aqajaqqumi inalukkani ersiutaasut

20%

Pingaartumik tassaapput nererusussuseqannginneq, meriannguneq meriarnerlu

Nukitsigut annerisaqarneq (saannerineq)

17%

Naggusserineq

11%

 

Quersornermi qiseq

18%

Toqqusaarlunneq

16%

 

Niaqorlunneq

16%

Uissannguneq

11%

 

Sianiutitigut ersiutaasut

11%

Isitigut ersiutaasut

11%

Isitigut ersiutaasut akulikitsumik sakkukitsuusarput ullunilu 4-14-ini atasarlutik, allanik ilakutaqalernatik

Upernariartornerani

Akimut ersitsumik kakkilertaneq ersiutaasutut allanik ilaqanngitsutut COVID-19-qarnermik pasitsaassinissamut tunngavissaanngilaq. Akerlianilli panertumik quersorneq kiisalu mamassutsinik tipinillu malugisaarunneq COVID-19-qarnermut ersiutaapput nalinginnaanerusut.

Kalaallit Nunaanni massakkut upernariartornerani anersaartuutitigut aseruuttoornerit soorlu nuanneq, nuallunneq, bihuleni aseruuttoorneq, toqqusaarlunneq aamma puanni nipititsineq takussaaleraluttuinnassapput COVID-19-imik tunillaassuunneq nangittoq ilutigalugu.

COVID-19-imut assigiinngitsorpassuarnik ersiutaasoqarmat aamma assigiinngitsorpassuarnik sakkortussuseqarmata aammalu anersaartuutigut tunillaassortumik nappaatinut ersiutaasut COVID-19-imullu ersiutaasut ilaatigut assigiittaqimmata piffissami aggersumik ilimagineqartariaqarpoq annertoqisunik unammilligassaqassasugut tunillaassornermik pinaveersaartitsinermik qularnaarineq, imminut mattusimatinnissaq, misilitsinneq il.il. eqqarsaatigalugit ilutigalugulu peqqissutsimik suliaqarnermi misissuineq eqqortoq inunnillu nakorsartariaqartunik nappaatilinnik katsorsaaneq aamma eqqarsaatigisassaallutik.

Aamma atuarsinnaavatit
Nutarterneqarpoq: 24. marts 2021