airplanebooksbriefcase business cogs cross election entertainment fish house law lockmedicalpeopleselfservices socialtax

Inuttut ataatsimoorneq

Tunillaanissaq pinngitsoortinniarlugu pingaartuuvoq inuit ikittuinnaat ilaginissaat, sivikitsuinnarmik assigiinngitsorpassuunngitsunillu.
Ataatsimoorneq inooqatigiinnermilu ataqatigiinnerit

Inuit allat ilagalugit atugarissaarnitsinnut tarnikkullu peqqissutsitsinnut pingaartuuvoq.

Ilutigalugu nalunngilarput tunillatsinnissaq qaninnerusartoq amerlasuujulluta ataatsimooraangatta. Inooqatigiinnermi ataqatigiinnerni persuarsiorfiunngitsunilu ungasissusissaq eqqiluisaarnerlu pillugit piumasaqaatit innersuussutillu maleruassallugit ajornakusoorsinnaavoq. Ataatsimoortut amerlanerutilluta ’tunillaassuisuunersuit’ pilersinnaanerat navianartorsiutaavoq, inuup ataatsip ikittulluunniit piffissami sivikitsunnguani inuppassuit tunillassinnaamma(ti)git. Nappaammut ersiutaasunik peqanngikkaluarluni tunillaassuisinnaaneq navianartorsiutaavoq.

Taamaattumik massakkorpiaq inunnik attavigisartakkatsinnik killilersimatitsissaagut. Inuit ikittut ilagisassavavut, sivikitsumi assigiinngitsullu amerlasuunngitsut. Tunillanneqarsimanngitsutulluunniit misilitsissimagaluaraanni, siornatigut tunillatsissimagaanni imaluunniit kapitissimagaanni aamma tamanna atuuppoq. Taamaalilluta tamatta tunillaassuisoqannginnissaanut ilanngussisinnaavugut.

Aaqqissuussinernik ingerlatsinerit

Inuit katersuukkaangata, pingaartumik amerlagaangata imminnullu qanillutik tunillaassuussinnaaneq annertunerusarpoq. Pingaartumik ’tunillaassuisuunersuarnik taaneqartartut’ navianaateqarput, tassani inuk ataaseq imaluunniit inuit ikittunnguit piffissap sivikitsunnguup iluani inuppassuarnik tunillaasunik peqarsinnaammat.

Nunatsinni Nakorsaaneqarfiup ataatsimut isigalugu nalinginnaasumik tuniluunnissaq pinngitsoortinniarlugu innersuussutai tamanit malinneqartariaqarput tamanit tikinneqartartuniinnermi.

Namminersorlutik Oqartussat ataatsimoornissat, init tamanit tikinneqarsinnaasut aamma angallassissutit pillugit utaqqiisaagallartumik killilersuinerit pillugit nalunaarutaat maluginiaruk.

Aamma atuarsinnaavatit
Nutarterneqarpoq: 23. marts 2021