airplanebooksbriefcase business cogs cross election entertainment fish house law lockmedicalpeopleselfservices socialtax

Pingaartumik inuusuttunut

Qanoq ililluta immitsinnut paarissaagut coronavirusimillu nutaamik tunillaassorneq pinaveersaartillugu?

Tuniluunneq nakkutigilluarumallugu pingaartuuvoq illit nammineq eqqarsaatigissagit tuniluussinnaanerup ulorianarnera qanoq ilillutit annikillisissinnaanerit. Tamatta piffissami aalajangersimasumi inuit pisarnitsitut ikinnerusut takusassavavut, ilutigalugulu pingaartuuvoq Nunatta Nakorsaaneqarfiata siunnersuutai nalinginnaasut 5 eqqaamassagitit.

Taamaalillutit imminut paarissaatit allallu aamma sianigalugit.

Ulluinnarni inuuninnut siunnersuutitsialaat aaku.
1. Ikinngutit ilagalugit

Tuniluunneq nakkutigilluarumallugu pingaartuuvoq illit nammineq eqqarsaatigissagit tuniluussinnaanerup ulorianarnera qanoq ilillutit annikillisissinnaanerit. Inuit amerlasuut ilagigukkit coronavirusimik nutaamik tunillaassinerup ulorianarnera annertunerulissaaq. Taamaattumik massakkorpiaq inuit naapittakkatit killilersussavatit eqqarsaatigigaanni qassiuneri, qanoq sivisutigisumik ilagineri aamma inuit assigiinngitsut qanoq amerlatigisut takusarneritit. Ikinngutitit takukulaanngisatit attaveqarfigiinnakkit soorlu sianerfigalugit imaluunniit allaffigalugit.

2. Sungiusarneq

Sumiiffinni amerlasuut attuiffigisartagaanni, assersuutigalugu inuit amerlasuut sungiusaatinik atuiffigisaanni tamarmillu attortagaanni, tunillaanissap ulorianarnera annerulersarpoq.

Siunnersuutitsialaat:

  • Ajornanngippat silami sungiusarit.
  • Sapinngisamik nammineq atortutit atukkit.
  • Atortut allanit aamma atorneqartartut sprititikkit.
  • Imerfiit allanut atortinnagu.
  • Sungiusartinnak aamma sungiusareeruit assatit asakkit sprititerlugilluunniit. Sungiusartarfimmi sungiusaruit imaluunniit iligiiaarluni timersuut ingerlakkukku tamanna immikkut pingaaruteqarpoq

3. Naapeqatigiinneq kinguaassiuutitigullu atoqatigiinneq

Coronavirus nutaaq kuseriarnikkut, qanimut attuunnermi soorlu kunissinermi, tuniluussinnaavoq.

Siunnersuutitsialaat:

  • Aatsaat COVID 19-imik ersiutaasunik peqanngikkuit naapeqateqarit kinguaassiuutitigullu atoqateqarlutit, aamma misilitsinninni ersiutaasunik peqanngikkuit aamma qanimut attaveqaataanak.
  • Sapinngisaq malillugu aalajangersimasumik aapparisat kisiat kinguaassiuutitigut ilagisaruk imaluunniit sapinngisamik assigiinngitsut ikittut.
  • Assakkut eqqiluisaarluarneq eqqaamajuk.

4. Immissinnut paarigitsi

Eqqaamajuk imminut illersussagavit – taanna aamma allanik eqqanniittunik illersuinissamut pitsaanerpaavoq, aamma inunnut annertusisamik COVID-19-imik perulullutik napparsimalernissamut ulorianartorsiortunut atuuppoq.

5. Aarleriguit

Inuusuttut arlallit piffissami massakkut atuuttumi ajornakusoortorsiorput – ilaat kiserliorput, allalli pisarnerminnit aarlerinerullutik, allaat immaqa aarlerinerit pingaarninngorsimallutik.

Atugarissaarneq aamma aarleqqutinik passussineq pillugit atuaruk Atugarissaarneq tarnikkullu peqqissuuneq.

Nutarterneqarpoq: 25. marts 2021