airplanebooksbriefcase business cogs cross election entertainment fish house law lockmedicalpeopleselfservices socialtax

Kalaallit Nunaata nunarsuaq tamakkerlugu COVID-19-imik napparsimasoqarneranut periusissiaa

Kalaallit Nunaat qeqertaavoq nunap killeqarfiata iluani angallannermut amerlanngitsuinnarnik periarfissaqarfiusoq aamma illoqarfinni nunaqarfinnilu imminnut ungasissuni najugaqartunik inulik. Tamatuma immikkut ittumik periarfissaalersippaa kinguneqarluartumik nappaatip tuniluunnissaanut pinaveersaartitsisinnaaneq. Periusissiap periarfissaq tamanna ersersippaa.
Periusissiaq pingaarnerpaaq

Kalaallit Nunaanni periusissiaq pingaarneq tassaavoq nappaatip inuiaqatigiinni tuniluunnissaata pinngitsoortinniarnissaa.

Kalaallit Nunaata anguniagai pingaarnerit tassaapput:

  • Peqqissutsikkut kingunerlutsitsinerit angisuut amerlasuut napparsimalernerannik toqunerannillu kinguneqartut pinaveersaarnissaat
  • Peqqinnissaqarfiup ingerlanera nalinginnaasooqqullugu peqqinniassaqarfiup artukkernaveersaanissaa, suliallu nalinginnaasut ataavartinnissaat taamaalillutillu inuiaqatigiit peqqissusiannut iluaqutaanissaat
  • Matusinerit angisuut akisuullu inuiaqatigiinnut sunniuteqangaartussat pinaveersaarnissaat. Taamaaliornikkut inuiaqatigiit aaqqissuussaanerisa tamarmik, soorlu ilinniartitaanerup, ingerlaannarnissaat qulakkeerneqassaaq. Taamatuttaaq inuussutissarsiornerup annerpaartaa ingerlaannarsinnaassaaq.

Anguniakkat aalajangersimasut

Periusissiami anguniakkat aalajangersimasut tassaapput:

  • Tunillatsissimasut Kalaallit Nunaannut tikinnissaasa pinaveersaarnissaa
  • Tunillatsissimasumik tikittoqassappat tuniluunnerup angisuup pinaveersaarnissaa
  • Kalaallit Nunaanni sumiiffinni amerlasuuni ataatsikkut tuniluuttoqarnissaata pinaveersaartinnissaa

Graf GL
Nutarterneqarpoq: 04. marts 2021