airplanebooksbriefcase business cogs cross election entertainment fish house law lockmedicalpeopleselfservices socialtax

Coronapas

Nunatsinni COVID-19-mut akiuussuserneqarsimasut maanna danskit Coronapassianik pisaarsinnaalerput.
coronapas

Coronapas Nunatsinniit Danmarkimut imaluunniit Europamut aallartussanut COVID-19-mullu akiuussusersimanermut uppernarsaammik pisariaqartitsisunut pingaarnerusumik atugassiaavoq.

Danskit coronapassiat neriniartarfinnut, tusarnaartitsinernut, timersortarfinnut allarpassuarnullu Europami tamarmi isissutissatut atorneqarpoq. Nunat ilaanni tikinnermi coronapas takutittussaavoq. Taamaattumillu Kalaallit Nunaanni tamanna sivisuumik utaqqineqarpoq.

Kalaallit Nunaanni najugaqartuusutit qanoq isillutit coronapas pissarsiarisinnaaviuk?
Iliuuserisassat ataasiinnaavoq, tassalu sullissivik.gl aqqutigalugu piniarnissat.

Taassuma kingorna Coronap allattoqarfiani akiuussutissamut kapitissimanernut paasissutissat danskit databaseanut immersuissapput, ullullu suliffiusut annerpaamik qulit iluanni coronapas www.sundhed.dk imaluunniit app-eq coronapas aqqutigalugit aasinnaavat.

”Naalakkersuisunit kissaatigisimavarput nunatsinni innuttaasut akiuussusersimasut Danmarkimi innuttaasutulli assigiimmik periarfissaqarnissaat. Taamaattumik nuannaarutigaara maanna aaqqiissummik nassaarsinnaasimagatta, taamaalilluta nunatsinni akiuussusersisimasut coronapas atulersinnaammassuk” taama oqarpoq Peqqinnissamut Naalakkersuisoq, Kirsten Fencker.

Coronapas – taamaallaat Nunatsinniit aallassaguit
Innuttaasut angalasussat sukkanerusumik coronapassimik pissarsinissaat anguniarlugu kaammattuutigissavarput nunatsinniit angalasussat coronapassimik piniaqqullugit. Nunatsinni coronapas piumasaqaataanngilaq.

Kiisalu aallarnissannut piffissaq naleqquppat, tamakkiisumik kapitereeruit aatsaat coronapassimik piniarnissat innersuussutigerusupparput. Tamanna suliaqarnissamut sullissinissamullu piffissaritaasumut iluaqutaassaaq, ataasiaannaq nalunaarsuisoqassammat, kapitinnerit tamaasa pinnagit.

Innuttaasummi kapitissimanermut uppernarsaammik pereersut?
E-Boks-ikkut manna tikillugu tunniussimasaanut coronapas akiuussutissamik kapitissimanermut uppernarsaammut taartaavoq.

Ullumikkumiit kapitissimanermut uppernarsaammik piumasaqartoqarsinnaajunnaarpoq. Ullumikkumiit coronapas -COVID-19-mik akiuussutissamut kapitissimanermut piniartalissaatit.

Qanittumi akiuussutissamut kapitissimanermut uppernarsaammik pisimaguit, taava taanna tigujumaarpat. Taarsiullugu coronapassimik kissaateqaruit coronapas-imik piniassaatit.

Coronapas – COVID-19 akiuussutissaq pillugu sullissivik.gl aqqutigalugu paasisaqarnerugit

MALUGIUK!
Coronapassimi suut takusinnaavigit?

COVID-19-mut akiuussutissaq
Coronapas app-mi aamma sundhed.dk-mi COVID-19-mut akiuussutissamik kapitissimanerlutit takusinnaassavat.

PCR-mik misiliutit
Nunatsinni PCR-mik misiliutinut paasissutissat Danmarkimut nassiunneqarneq ajorput. Taamaattumik Nunatsinni misiliutit inernerisa takusinnaanngilatit.

Danmarkimi PCR-mik misiliutit inerneri takusinnaavatit.

Tunillanneqarsinnaannginneq
Danskit Coronapassiat tunillanneqarsinnaannginnermik paasissutissaqarpoq. Tamanna isumaqarpoq inuit Danmarkimi najugallit COVID-19-millu napparsimasimasut, taamaalillutillu tunillanneqarsinnaanngitsut, paasissutissaataat ersissapput.

Paasissutissat Danmarkimut nassiunneqarneq ajormata tunillanneqarsinnaannginnermut paasissutissat Nunatsinni najugalinnut ersinnavianngillat.

Nunatsinni najugaqaruit suut coronapassimi takusinnaavigit?

 Suut
 Takusinnaasatit  
 Takusinnaanngisatit
 COVID-19-mut  akiuussutissinneqarsimaneq  
 X  
 Danmarkimiit PCR-mik  misissortinnerit  X  
 Nunatsinniit PCR-mik  misissortinnerit    X
 Tunillanneqarsinnaannginneq    X

Coronamut tunngatillugu apeqqutissallit corona hotline oqa. nr. 801100 imaluunniit e-mail corona@nanoq.gl aqqutigalugit attaveqartassapput.

Tusagassiutinut nalunaarut pillugu apeqqutissallit naalakkersuisoqarfimmi pisortaagallartoq Aka Olesen akol@nanoq.gl-ikkut imaluunniit oqaras.: +299 34 66 69 aqqutigalugit pissarsiarineqarsinnaapput.